影片
以上資料只供參考, 請與餐廳確認詳情
朋友仔住係石硤尾🚇，佢極力推介呢間隱世高質小菜館👍「金華餐廳小廚」，呢度價錢💰雖然比較大眾化，但係食物質素絕對👏拍得住一啲高級酒樓！呢度仲有啲時令🌊海鮮係餐牌未必會有嘅，好似今晚就有🤩大元貝，我哋揀咗用蒜蓉🧄粉絲蒸，火喉啱啱好，蒜蓉♨️香味撲鼻，元貝大大粒，食落鮮甜又惹味🤤！ 金牌欖角骨🍖真係必點，欖角嘅酸甜味同🐖排骨嘅肉香完美結合，😍咬落去外脆內嫩，送飯🍚一流！金華當紅🔥炸子雞皮脆肉嫩，🐓雞肉好juicy，調味啱啱好，😋真係好食過好多大酒樓出品。椒鹽🐟九肚魚份量十足而且🔥炸得金黃酥脆，🧂椒鹽味道夠晒香口，🐟魚肉鮮味滑溜，真係好食到停唔到口👍！ 芥辣脆皮🐖豬手外皮脆卜卜，肉質又香又軟腍☺️，加埋呢度菜嘅靈魂芥辣醬🌶️，味道層次好豐富，食落肥而不膩👏！ 食完🔥熱氣嘢，飲返杯紅豆冰🧊就最正喇，入面嘅紅豆煮得夠淋，🫘甜度適中，冰涼解渴，好滿足！ 鹹檸檬七喜🥤亦係經典風味，鹹檸檬🍋嘅鹹香同七喜嘅🫧氣泡完美融合，飲落清爽又🥰解膩！
繼續閱讀
小時候經常在南山邨出沒，現在舊地重遊，面貌改變了不少。到此一遊，當然要來個晚餐，才不枉此行。金華餐廳小廚，環境乾淨企理，地方相對闊落，親切而舒適。是夜的豐富晚餐 😋😋😋艇王酸菜魚 $198賣相豪華，份量超多！魚片嫩滑鮮味，窩荀爽脆，薯粉滑漏，湯底惹味，高水準！蒜蓉粉絲蒸蟶子 @$48蟶子鮮甜，粉絲吸滿了蟶子的精華，加上豉油汁吊味，正！鹹排骨芥菜煲 $98雖未到十月，芥菜都嫩滑無渣，鹹排骨有肉香，有鹹味，好食！啖湯更是下火的好料子，熱呼呼的給喝過清光金牌炸子雞半隻 $148火紅色的賣相，雞皮脆口，雞有肉汁，不愧為大熱招片菜式凍檸檬可樂 $8及凍檸檬利賓納 $8
繼續閱讀
🍽️金華餐廳小廚 (石硤尾)📍石硤尾大坑東道111號南山邨南山商場地下1號舖新開張嘅屋邨貼地茶餐廳，聽聞菜式真係超多，位置方便！今日收工專登過嚟試下。～椒鹽九肚魚經典粵菜，炸到外脆裡嫩，魚肉好新鮮，椒鹽搭配得啱啱好，就算唔送飯都唔會覺得好鹹，份量出乎意料，夠三個人食。～順德馳名碌鵝（1/4隻）一上檯我就以為我落錯咗一隻定半隻，份量會唔會太大份太抵食咗啲？？味道可以話勝過深圳食，滷水汁濃郁夠味，肉質唔會好韌，滷到呢個質素，不愧係招牌菜。～鮑魚滑雞煲（半隻）最高性價比嘅餸，半隻雞有一個大煲，證明隻雞本身真係好肥美，最重要係鮑魚爽口彈牙，有六粒大大隻！味道比較濃啲，送飯一流。～野山椒炒牛柳粒小辣牛柳粒，辣度啱啱好，超好味一口牛，鍋氣十足，但如果兩個人食就要小心食唔曬，個個餸都係一百蚊多少少但起碼夠4個人食。南山邨真係好有歷史，一路行過黎穿過街市好似返咗90年代，屋邨小店都可以好高質素，經理話可以自帶海鮮加工，下次要試下先！
繼續閱讀
石硤尾南山邨嘅金華餐廳，勝在夠地道，想食港式小炒，呢度係個唔錯嘅選擇胡椒豬肚花蛤湯，湯底清甜得嚟帶微微胡椒辛香，豬肚爽口冇異味，花蛤鮮味突出，飲完成個人暖笠笠，尤其適合轉季時飲。金牌欖角骨係人氣之選，排骨炸得外脆內嫩，欖角醬鹹甜平衡，唔會太膩，送飯一流。 至於小炒皇，鑊氣十足，蝦乾、魷魚同韭菜花炒得爽脆，加咗啲銀魚仔增加口感，整體香口得嚟唔會太油，算係水準之作。如果想試其他菜式，蒜蓉粉絲蒸海鮮都幾受歡迎！環境方面，餐廳光猛企理，坐得幾舒服。服務就正常，上菜速度都算快。
繼續閱讀
今日去石硤尾朋友度打麻雀，打完餓到癲，就去咗佢樓下間新開咗幾個月嘅金華餐廳小廚試吓，點知有驚喜喎！ 首先叫咗個鮑魚滑雞煲（半隻）啲雞真係好嫩滑，仲要吸晒鮑魚汁嘅鮮味，估唔到啲鮑魚咬落夠淋又入味，送飯一流！ 跟住個（豉油皇海蝦）都好出色，啲蝦大大隻又彈牙，豉油炒到啱啱好，唔會太鹹，仲有少少甜味，連蝦殼都脆到可以食埋！ （西蘭花炒龍躉球）就夠晒健康，龍躉肉厚實又冇骨，啖啖肉，西蘭花炒得爽脆，個芡汁都唔會太厚，抵讚！ 最正係個（蒜蓉粉絲蒸蟶子）蟶子鮮甜到爆，蒜蓉勁香，粉絲吸晒啲精華，我同朋友爭住食！ 整體來講，呢間小廚抵食夾大件，服務又唔錯，＂如果你喺石硤尾附近，值得試吓！
繼續閱讀