香港永年車仔麵茶冰廳

營業中

休息中

二人鐵板餐嗌咗份花膠佛跳牆，一入口就feel到勁鮮，而且花膠都好大塊，而另一份嘅厚切豬扒都好優秀，啲肉好嫩口，厚身得嚟又唔會太乾太柴跟餐叫咗個酥皮周打蜆肉魚湯，上餐嗰陣仲熱辣辣，入面又勁多料，配埋啲酥皮真心正小食嗌咗份芝士肉醬焗薯皮，上面嘅肉醬俾得好多，配埋下面嘅薯仔會有少少濕潤，啱啱好到唔會唔知食緊咩或者食到個口乾到噎，而且趁熱食好惹味最後甜品就揀咗黑芝麻西多士伴雲呢拿雪糕，西多士入面夾住嘅黑芝麻餡都唔算少，而且非常濃郁同好香，暖笠笠嘅西多士配上凍冰冰嘅雪糕，成個組合好夾，唔會令人覺得好似食緊幾樣嘢咁