影片
更多
2025-01-09
258 瀏覽
百樂潮州酒家花膠龍脷葉例湯入口清甜膠質重，龍脷葉味道清香，非常滋潤嘅時令湯水蝦多士蝦多士炸得好脆口，麵包脆索索，大蝦夾花膠蝦肉好爽口，蝦肉同蝦膠彈牙，但係蝦味淡薄兼有啲油膩，唔夠乾身。紅燒金山大鮑翅有得睇冇得食，見到都流口水！滷水拼盤豬大腸夠腍又夠入味，滷水淡淡清香滲透肥膩油脂香氣，嘴𥚃充滿強烈大腸特有滋味，口感軟腍腍，係傳統滷水大腸風味。滷水鵝腸煮得夠腍，但係好爽脆帶幽幽滷水味，雖然鵝腸味道較為淡薄，口感不同凡響，難得食到靚嘅滷水鵝腸，如果冰鮮鵝腸帶埋肥膏，咁就天下無敵啦！墊碟嘅滷水豆腐質地較為粗糙，黃豆味淡薄兼且唔夠滑嫰。滷水鵝掌翼鵝翼炆得夠腍夠香，鵝肉同埋鵝皮脂肪香味濃郁滿溢，滷水冇蓋過鵝肉味道，層次分明恰到好處。鵝掌皮脆嫩滑，獅頭鵝皮夠厚有咬口，但係唔會實掘掘，好味有水準嘅鵝掌翼。紅炆花錦鱔皇經理提議嘅時令菜式，有十八斤重嘅花錦鱔，皮厚肥嫩肉鮮甜，入口細膩味道濃厚微微帶黏口，火腩融合鱔肉味道強勁十足冇甩拖。墊底菜苗生菜連鱔汁進食，口感豐富味道互相配合，又係另外一種食法。瑤柱扒豆苗清爽有豆苗蔬菜香味，連乾瑤柱一齊清淡帶點點海鮮味道。糖醋麵蛋麵煎得好脆身，唔撈糖醋淨食有淡淡嘅蛋麵同
花膠龍脷葉例湯
入口清甜膠質重，龍脷葉味道清香，非常滋潤嘅時令湯水
蝦多士
蝦多士炸得好脆口，麵包脆索索，大蝦夾花膠蝦肉好爽口，蝦肉同蝦膠彈牙，但係蝦味淡薄兼有啲油膩，唔夠乾身。
紅燒金山大鮑翅
有得睇冇得食，見到都流口水！
滷水拼盤
豬大腸夠腍又夠入味，滷水淡淡清香滲透肥膩油脂香氣，嘴𥚃充滿強烈大腸特有滋味，口感軟腍腍，係傳統滷水大腸風味。
滷水鵝腸煮得夠腍，但係好爽脆帶幽幽滷水味，雖然鵝腸味道較為淡薄，口感不同凡響，難得食到靚嘅滷水鵝腸，如果冰鮮鵝腸帶埋肥膏，咁就天下無敵啦！
墊碟嘅滷水豆腐質地較為粗糙，黃豆味淡薄兼且唔夠滑嫰。
滷水鵝掌翼
鵝翼炆得夠腍夠香，鵝肉同埋鵝皮脂肪香味濃郁滿溢，滷水冇蓋過鵝肉味道，層次分明恰到好處。
鵝掌皮脆嫩滑，獅頭鵝皮夠厚有咬口，但係唔會實掘掘，好味有水準嘅鵝掌翼。
紅炆花錦鱔皇
經理提議嘅時令菜式，有十八斤重嘅花錦鱔，皮厚肥嫩肉鮮甜，入口細膩味道濃厚微微帶黏口，火腩融合鱔肉味道強勁十足冇甩拖。墊底菜苗生菜連鱔汁進食，口感豐富味道互相配合，又係另外一種食法。
瑤柱扒豆苗
清爽有豆苗蔬菜香味，連乾瑤柱一齊清淡帶點點海鮮味道。
糖醋麵
蛋麵煎得好脆身，唔撈糖醋淨食有淡淡嘅蛋麵同韭黃香氣，冇鹼水味道，撈埋醋糖一齊食口感同埋味道非常豐富特別。
杏仁茶芋泥
又係有得睇冇得食。
反沙芋
芋頭夠粉夠乾超鬆化，芋頭香氣滿嘴，一啲都唔油膩，糖衣厚身脆口，甜味十足，冬天當造食芋頭最好食。
酒樓佈置開揚，裝修簡單，杯碟碗筷清潔乾淨，座位寬敞闊大。店員殷勤友善，服務招待有禮貌。Elements位置較為偏遠，星期五晚上生意不俗多顧客。
張貼
