Nara Thai Cuisine (港威商場)

營業中

休息中

之前都食過呢間位於海港城嘅泰國菜餐廳幾次，覺得都幾好，所以琴日又再去試吓。而家公眾假期去夜晚都唔使等位，不過仍然有限時90分鐘，坦白講你入座率都不復舊觀，我覺得限時就冇必要。可幸的是，啲食物水準仍然保持到。我哋琴日三個人食，嗌咗蝦餅、串燒雞、冬陰功湯、青檸烏頭魚，同埋菠蘿炒飯，全部都幾好食，冬陰功湯雖然幾貴但非常足料，係略嫌甜咗少少。上菜速度都幾理想，所以一個半鐘頭嘅限時係有啲唔方便，但係唔會太趕。我哋三個人最後食咗大約$1000，我覺得性價比都可以接受。