影片
更多
2025-05-04
0 瀏覽
Espresso Alchemy📍尖沙咀廣東道3-27號海港城港威商場地下G104號舖又一次去尖沙咀睇牙後，決定隨便搵間cafe食餐light meal，同朋友好好傾計catch up下。見Espresso Alchemy環境舒適，氣氛友好輕鬆，仲唔洗排隊等位，當然無須考慮太多啦。 💰$130脆炸魚堡配自家製蛋黃醬 🍔主食我哋揀咗個burger開心share，脆炸鱸魚柳外皮炸得金黃香脆，魚肉滑嫩，同自家製嘅creamy蛋黃醬相得益彰。漢堡包皮塗上薄薄一層牛油，烤得非常脆口，有芝麻嗰面更加香，搭配新鮮沙律菜，比起配薯條更加健康。 💰$76西多士伴鮮果及雪糕 🥪French Toast賣相得宜，口感外脆內軟，加埋鮮果同香滑嘅雲呢拿雪糕，冰火二重奏，層次豐富。有別於楓糖漿，配上些少自家製海鹽焦糖醬，喂甜品加添少少鹹味，鹹調組合果然係絕配，嚟到一定要食！ 💰$62生酮意式芝士卷 🫔細細一件嘅Roll Cake內有乾坤，令佢食落輕盈嘅原因，係用較低糖同starch嘅比例製作，令遵從生酮飲食或低碳飲食嘅人可以無負擔地食甜品。雖然我哋兩者都唔係，但食得甜品多都會覺得膩，不時試吓呢啲新派健康甜品，既滿
📍尖沙咀廣東道3-27號海港城港威商場地下G104號舖
又一次去尖沙咀睇牙後，決定隨便搵間cafe食餐light meal，同朋友好好傾計catch up下。見Espresso Alchemy環境舒適，氣氛友好輕鬆，仲唔洗排隊等位，當然無須考慮太多啦。
[價錢 Price]
💰$130
脆炸魚堡配自家製蛋黃醬 🍔
主食我哋揀咗個burger開心share，脆炸鱸魚柳外皮炸得金黃香脆，魚肉滑嫩，同自家製嘅creamy蛋黃醬相得益彰。漢堡包皮塗上薄薄一層牛油，烤得非常脆口，有芝麻嗰面更加香，搭配新鮮沙律菜，比起配薯條更加健康。
[價錢 Price]
💰$76
西多士伴鮮果及雪糕 🥪
French Toast賣相得宜，口感外脆內軟，加埋鮮果同香滑嘅雲呢拿雪糕，冰火二重奏，層次豐富。有別於楓糖漿，配上些少自家製海鹽焦糖醬，喂甜品加添少少鹹味，鹹調組合果然係絕配，嚟到一定要食！
[價錢 Price]
💰$62
生酮意式芝士卷 🫔
細細一件嘅Roll Cake內有乾坤，令佢食落輕盈嘅原因，係用較低糖同starch嘅比例製作，令遵從生酮飲食或低碳飲食嘅人可以無負擔地食甜品。
雖然我哋兩者都唔係，但食得甜品多都會覺得膩，不時試吓呢啲新派健康甜品，既滿足到食甜品嘅慾望，又唔會令身體負擔大，一舉兩得。
💰$40
宇治抹茶鮮奶 🍵
久違叫返杯Matcha Latte，一嚐宇治抹茶嘅鮮香同鮮奶嘅香甜，仲有靚靚拉花，對於我哋呢啲抹茶愛好者嚟講，簡直就係「我杯茶」。
張貼
