影片
更多
2025-03-16
0 瀏覽
之前一直都想試吓呢一間嘅燒肉，見到最近出咗個套餐好抵食，就諗住過嚟試吓。佢提供嘅醬汁就係柚子醋同埋燒汁，我自己就鍾意重口味啲係咁點燒汁。一坐低就見到寫住推廣期間有免費雪糕食，食完燒肉再食大大杯日本直送嘅雪糕都咪話唔爽，下次我應該會揀抹茶麻糬。‣ 專享個人體驗晚餐 $268· 精選沙律 ＆ 蜆肉味噌湯一開始上嘅沙律清新開胃，啲菜夠爽脆，配搭麻醬都係沙律嘅標準配置。覺得個味噌湯幾有驚喜，平時少有飲到咁濃味嘅味噌湯，而且啲蜆肉都幾鮮甜，濃味但唔會覺得好鹹。· 海膽鱈魚脆脆個海膽勁厚身，上面仲有啲魚子醬做點綴，平時食海膽都會驚腥要點豉油，呢個完全唔使擔心，食落口相當鮮甜，入口即溶嘅口感真係冇得輸，而且用脆脆去取代多士呢個做法都幾得意，食落口唔會覺得乾得滯。·牛後腿肉 ＆ 牛腹肉每塊肉好快就燒得熟，燒到啱啱好個陣，你就食得出個肉質真係相當之嫩滑而且好juicy。牛腹肉就更加係入口即化，油花分佈得好均勻，咬下去嘅時候油香四溢，兩款肉各有特色，個人嚟講我超級鍾意牛腹肉。但係牛後腿肉牛味就濃郁啲，比較有咬口。· 澳洲和牛三角腩 ＆ 澳洲和牛西冷油脂同瘦肉嘅比例調得好好，燒完之後外脆內嫩，肉汁鎖得好足，
‣ 專享個人體驗晚餐 $268
· 精選沙律 ＆ 蜆肉味噌湯
一開始上嘅沙律清新開胃，啲菜夠爽脆，配搭麻醬都係沙律嘅標準配置。覺得個味噌湯幾有驚喜，平時少有飲到咁濃味嘅味噌湯，而且啲蜆肉都幾鮮甜，濃味但唔會覺得好鹹。
· 海膽鱈魚脆脆
個海膽勁厚身，上面仲有啲魚子醬做點綴，平時食海膽都會驚腥要點豉油，呢個完全唔使擔心，食落口相當鮮甜，入口即溶嘅口感真係冇得輸，而且用脆脆去取代多士呢個做法都幾得意，食落口唔會覺得乾得滯。
·牛後腿肉 ＆ 牛腹肉
每塊肉好快就燒得熟，燒到啱啱好個陣，你就食得出個肉質真係相當之嫩滑而且好juicy。牛腹肉就更加係入口即化，油花分佈得好均勻，咬下去嘅時候油香四溢，兩款肉各有特色，個人嚟講我超級鍾意牛腹肉。但係牛後腿肉牛味就濃郁啲，比較有咬口。
· 澳洲和牛三角腩 ＆ 澳洲和牛西冷
油脂同瘦肉嘅比例調得好好，燒完之後外脆內嫩，肉汁鎖得好足，入口嘅時候香氣爆棚。我幾鍾意佢略為厚切嘅口感，食落滿足感爆燈。肉質軟熟得來又有咬口，牛味濃郁得啱啱好。
· 三筋肉薄燒 ＆ 臀肉蓋
薄燒嘅話食落口嘅口感真係好唔同，但係搭配飯同埋蛋漿就真係一流滑捋捋。臀肉蓋就係今次提供嘅稀少部位，嫩滑得嚟又有啲咬口，都幾得意，平時都好少聽到有得食呢個部位，下次嚟都可以睇吓有冇供應。
張貼
