Amitie Kitchen

營業中

休息中

Item: Amitie Kitchen
Rating: 5
Author: mrmatthewyiu

4.5

1399 食評

味道

環境

服務

衛生

抵食

52841

尖沙咀

$201-400

意大利菜法國菜咪嘥嘢食店

1285

資訊:
餐廳:	Amitie Kitchen

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

mrmatthewyiu

等級3

好耐冇食過西餐，更加耐冇食過高質嘅西餐。今晚去開尖沙咀嚟咗位於厚福街嘅Amitie Kitchen食飯，真心好高質！🤩今次a la carte形式點咗個set：daily soup, carbonara, 花茶。🍴是日餐湯係白蘿蔔忌廉湯，第一次聽第一次試，係有獨特嘅清新好好味，湯裡面豐富嘅白蘿蔔清甜同埋忌廉嘅豐盈平衡得好好，每一口都好滿足。湯嘅質地又好濃稠，濃郁嘅口感真係好好味。太耐冇食西餐幾乎唔記得咗有餐包呢回事。上檯嗰下又係驚豔咗一下。佢有3款：長條形酥脆嘅餅、黑色有芝麻嘅包、牛角包，最緊要啲包係熱㗎，鬆脆又好酥。唔知大家係點湯派定唔點湯派，我就點湯派嘅，但無論如何都要先試一啖餐包本人！主食方面話就話係carbonara，但上到菜發現佢遠比卡邦尼高階好多，俾番個中文正名咸蛋黃醬汁煙肉蘑菇意大利粉。呢道菜好特別，咸蛋黃嘅香濃味道blend咗入醬汁本身若隱若現，而煙肉同蘑菇份量好夠，每一粒都好大粒，意粉嘅質地又係我最愛嘅中等偏硬，好好咬，配埋啲煙肉同蘑菇，真係好高質。而洋甘菊花茶，最開心係佢放喺蠟燭座熱，配埋玻璃壺同elegant嘅茶具，飲都飲得舒服啲😂除咗食物之外，Amiti

好耐冇食過西餐，更加耐冇食過高質嘅西餐。今晚去開尖沙咀嚟咗位於厚福街嘅Amitie Kitchen食飯，真心好高質！🤩

今次a la carte形式點咗個set：daily soup, carbonara, 花茶。🍴

是日餐湯係白蘿蔔忌廉湯，第一次聽第一次試，係有獨特嘅清新好好味，湯裡面豐富嘅白蘿蔔清甜同埋忌廉嘅豐盈平衡得好好，每一口都好滿足。湯嘅質地又好濃稠，濃郁嘅口感真係好好味。
太耐冇食西餐幾乎唔記得咗有餐包呢回事。上檯嗰下又係驚豔咗一下。佢有3款：長條形酥脆嘅餅、黑色有芝麻嘅包、牛角包，最緊要啲包係熱㗎，鬆脆又好酥。唔知大家係點湯派定唔點湯派，我就點湯派嘅，但無論如何都要先試一啖餐包本人！
主食方面話就話係carbonara，但上到菜發現佢遠比卡邦尼高階好多，俾番個中文正名咸蛋黃醬汁煙肉蘑菇意大利粉。呢道菜好特別，咸蛋黃嘅香濃味道blend咗入醬汁本身若隱若現，而煙肉同蘑菇份量好夠，每一粒都好大粒，意粉嘅質地又係我最愛嘅中等偏硬，好好咬，配埋啲煙肉同蘑菇，真係好高質。
而洋甘菊花茶，最開心係佢放喺蠟燭座熱，配埋玻璃壺同elegant嘅茶具，飲都飲得舒服啲😂

除咗食物之外，Amitie Kitchen嘅環境同服務都好好。佢哋嘅地理位置好方便，喺尖沙咀旺中帶靜嘅地方，好易搵又唔會嘈雜，而且店面裝修都好有質感，店員又nice，係好放鬆到嘅一餐。🙌🏼