Amitie Kitchen

營業中

休息中

對上嗰次係同另一半拍拖去食，好記得佢嘅油封鴨髀同埋牛骨髓都令到我覺得好驚艷。今次同朋友都係簡單聚會，諗住食平啲搞掂，所以就向佢啲risotto落手，食完就覺得果然都係貫徹高質嘅宗旨。幾鍾意佢啲麵包，三款唔同嘅麵包真係幾有心機。‣ 火炙半熟三文魚伴紫妹莎莎 $148唔係煙三文魚，係半熟三文魚，個口感都幾過癮。表面又被輕輕火炙過嘅痕跡，但咬落去之後又食得出三文魚刺身嘅嗰種口感同埋鮮味。而因為有紫洋蔥作為配搭，令到成碟沙律味道都變得更加鮮甜。‣ 牛肝菌露筍意大利飯 $208牛肝菌獨特嘅香味真係不得了，面頭仲有唔少嘅芝士碎，令到意大利飯真係變得更加香。飯粒嘅口感都煮得啱啱好，每一啖都感受到牛肝菌嘅鮮甜。而滑嫩嘅蘆筍都令到意大利飯有唔一樣嘅口感，趁熱食真係好正。‣ 8oz美國頂級西冷 $318上枱嘅時候發覺其實份量都唔細，牛扒嘅質感好軟嫩，而我覺得佢脂肪嘅部份都煎得好香，唔會令到你覺得好油膩唔想食，入口豐腴，啱啱好帶得出牛扒本身嘅香。‣ 士多啤梨朱古力窩夫士多啤梨雪糕 $88一上碟嘅時候就發覺餐廳好用心用朱古力寫嘅字，窩夫外脆內軟，唔會太乾身啱啱好。而士多啤梨雪糕都冇咁快融，好鍾意佢濃稠嘅口感，

呢間餐廳係同事推薦的，佢話佢食過覺得性價比高，無論食物、環境、服務、價錢都係good架！所以決定同男朋友一齊去試下❤️環境坐落好舒服，燈光柔和，好有情調😍好適合情侶或者三兩知己坐低傾偈💬落咗單冇耐，就有熱辣辣嘅餐前包包食真係超正🤩仲要配埋牛油同士多啤梨醬，幸福☺️🔶火灸半熟三文魚伴紫蘇葉莎莎三文魚個熟度真係好正，外面微熟，入面肉質嫩滑，配搭上面嘅醬汁，真係令人胃口大開🤤🔶牛肝菌露筍意大利飯佢個意大利飯比我想像中大份足料，調味好到位，入面有洋葱、牛肝菌、紅椒、磨菇、露筍同芝士🧀，食落每一啖都超滿足😌🔶美國頂級西冷扒（8oz）我哋叫咗五成熟的牛扒🥩，佢完全做到哂！入口濃濃嘅炭烤味，充滿住好味嘅肉汁💕真係無誇張，好好食！配菜有粟米、蕃茄仔、荷蘭豆、薯仔🥔+煙肉🥓、白蘿蔔，我呢個位真係真心佩服，點解每樣配菜嘅熟度都啱啱好，而且薯仔配煙肉真係好有心機！欣賞！🔶朱古力心太軟伴雲呢拿雪糕朱古力🍫心太軟配雲呢拿雪糕🍦真係從來都無得輸😍真係好好味！🔶夏日新鮮水果茶(熱)水果茶甜度剛剛好，啱哂怕甜嘅我，而且佢哋會貼心用蠟燭一直座熱住水果茶❤️食完真係覺得如同事所講，性價比高，我下次一定會再嚟😝

餐前麵包:店員先送上三款唔同既麵包，仲有士多啤梨果醬同牛油。個人覺得就咁食唔洗點醬都夠哂好食。最難得既係香港好多西餐廳既餐前麵包都冇放係保溫爐，所以食果陣好乾身，但呢間食既時候仲係暖笠笠，入面都有麵包應有既鬆軟。自家製豬手凍沙律伴話梅芥末汁 : 話梅芥末汁第一次試，但好有驚喜！話梅芥末汁酸味幾突出，同豬手既咸香味好夾，食落感覺好清爽👍🏻沙律菜都新鮮爽脆。豬手有三大塊，前菜黎講份量十分足夠。加拿大豬鞍扒10oz:平時都成日食牛扒，今次試下豬鞍扒，切落去已經見到入面好粉嫩，用刀輕壓仲有滿滿既肉汁。豬扒外脆內軟、燒汁味唔會太濃，更容易食到香濃而不騷既豬肉味。配菜都有好多，都烤得好香，咬落去juicy。牛肝菌露筍意大利飯: 芝士同牛肝菌又係一個冇得輸既組合！牛肝菌既味好濃好突出，意大利飯都好Creamy，每一啖都好滿足。朱古力香蕉金寶:鐘意香蕉同朱古力既人一定唔可以錯過，本身兩者都好夾，加埋金寶焗到微脆，為呢餐飯寫上完美的結局。第一次體驗意大利西餐廳黎講呢間絕對比到一個令我哋滿足既體驗！

今日同中學同學敘舊，去咗尖沙咀厚福街嘅一間西餐廳食飯😆餐廳嘅裝飾同埋燈光都十分有情調，啱晒一班朋友或者情侶去傾偈食飯✨餐包✨餐前會送上一碟有三個款式嘅餐包，有甜有鹹。有麵包脆條、綠茶提子乾餐包同埋蕃茄芝士包。每一款都熱辣辣，最欣賞綠茶提子乾餐包，外脆內軟✨火炙半熟三文魚伴紫蘇莎莎✨三文魚呈半熟狀態，外層有稍稍火炙過，逼出三文魚嘅油香。配上紫蘇莎莎醬及車厘茄沙律，好開胃😋✨美國頂級西冷扒(8oz)✨叫咗五成熟，牛肉鮮嫩多汁，煮得恰到無處，完全冇筋，一啲都唔靭😋份量都唔少。配菜有粟米、蕃茄，仲有煙肉薯仔，都幾特別😆✨牛肝菌蘆筍意大利飯✨上菜嘅時候已經充滿着一陣菇菌嘅香氣，配上芝士嘅意大利飯經過慢煮，變得好Creamy仲有爽口嘅蘆筍，為整頓菜加咗多重嘅口感。✨朱古力心太軟配士多啤梨雪糕✨朱古力心太軟熱辣辣，打開成流心效果，配上士多啤梨雪糕，冰火相容，好出色嘅一道甜品😋😋😋✨水果茶✨另外飲品叫咗一杯水果茶，有淡淡的果香，餐後可以解解膩。

同朋友尖沙咀食晚飯*黎左H8 9樓 Amitie Kitchen，落完單之後，店員會上一個麵包拼盤，有竹炭餐包、竹炭餅乾同牛角包，餐包暖笠笠、牛角包亦酥脆 好有誠意前菜：火炙三文魚伴紫蘇葉莎莎半熟三文魚肉質嫩滑，伴上蘇莎莎醬，令整體味道更加清新👍🏼阿拉斯加比目魚柳（8oz）份量都唔細🫣魚柳皮煎得好香脆👍🏼魚肉嫩滑又唔散開，不得不提配菜 煙肉薯仔超好食🤣牛肝菌露荀意大利飯一上枱超濃郁芝士及牛肝菌香，意大利飯相當濕潤，好味😋甜品：士多啤梨朱古力窩夫士多啤梨雪糕窩夫新鮮製作，外脆內軟，配住酸酸甜甜士多啤梨雪糕，味道同口感就更加豐富🥰飲品：新鮮水果茶好多粒粒水果👍🏼用twinnings英式茶底

「Amitie Kitchen」係一間令人驚喜嘅餐廳，無論係環境、服務定係食物質素都做得相當好。今次我叫咗佢哋嘅幾道招牌菜火灸半熟三文魚沙律三文魚火灸得恰到好處，表面微微焦香，內裡仍然保持住半熟嘅鮮嫩。火炙過後，三文魚散發出濃郁嘅油香~ 搭配上清新嘅沙律菜，食落去特別爽口開胃美國頂級西冷牛扒牛扒每一口都感受到肉質嘅新鮮，唔會有鬆散嘅感覺調味方面適中，燒烤味道亦夠濃，熟度控制一流，咬落去肉質鮮嫩，出色牛肝菌香濃露筍脆嫩飯呢道意大利飯食落去牛肝菌嘅香味勁出，搭配上露筍，露筍本身有足夠甜味，完美中和咗意大利飯嘅風味。整道菜味道層次分明，奶味唔會太重，所有配搭都啱啱好~至於甜品方面，叫咗士多啤梨朱古力窩夫伴雪糕窩夫外脆內軟，香脆一流，而士多啤梨同朱古力嘅搭配真係無得輸，食落去滿足感十足~仲叫咗杯開心果咖啡，飲落去香濃可口，帶有淡淡嘅果香，口感溫和~值得encore 的一餐~

尖沙咀 好多好野食，今日約左朋友黎依間樓上cafe，環境唔錯之餘野食都好有水準。 前菜叫左個沙律，火炙半熟三文魚伴紫蘇葉莎莎，三文魚火炙完特別香，而沙律係柚子醋味酸香開胃。 主菜叫左牛肝菌露筍意大利飯同埋美國頂級西冷扒。意大利飯好creamy，食到大量既牛肝菌，好香。而西冷扒揀左五成熟，切開係好靚既粉紅色，仲保留有大量肉汁。 甜品叫左士多啤梨朱古力窩夫配雪糕，窩夫即叫即整，外皮好脆而內里軟棉，食落唔太甜。 飲品就試左佢地既紅柚四季春同埋玫瑰花茶，感覺花茶更勝一籌，香味十足。

第一次喺午餐時間嚟食飯~餐廳寧靜舒適，食物調味恰到好處，而且份量足夠(漢堡餐的話一般女仔都未必可以完食)，仲有brownie做甜品! (唔肯定係咪日日都係lol)餐廳午市值得有更多人嚟食

最近去左Amitie Kitchen，食咗一頓好精緻既二人晚餐☀️前菜：🫴🏻 火灸半熟三文魚伴紫蘇葉莎莎：三文魚火灸啲恰到好處，同埋紫蘇葉莎莎一齊食爽口開胃。🫴🏻 佛羅倫斯蕃茄燉牛肚：佛羅倫斯風格嘅蕃茄燉牛肚，肉質鮮嫩，湯汁濃郁，牛肚都好淋，配埋法包百吃不厭☀️主菜：🫴🏻 牛肝菌露筍意大利飯：意大利飯香氣誘人，牛肝菌同露筍嘅組合超好味。🫴🏻 美國頂級西冷扒（80z）：5成嘅西冷扒煎得剛剛好，肉質鮮嫩多汁，伴碟嘅蔬菜同煙肉薯仔都好清新好食☀️甜品：🫴🏻 柚子芝士蛋糕：柚子芝士蛋糕清新爽口，口感綿密。🫴🏻 士多啤梨朱古力窩夫配士多啤梨雪糕：士多啤梨朱古力窩夫搭配雪糕，窩夫入面好似有啲糖粒嘅口感，saku saku 幾特別。飲品：🫴🏻 紅柚四季春：紅柚四季春清新解渴，冇叫少甜甜度都剛好。🫴🏻 玫瑰花茶：玫瑰花茶淡雅芳香，清新怡人。總的食物由擺盤到味道都好有心思，而且都好有人氣所以黎之前最好要訂枱🌞

在尖沙咀一間樓上不顯眼的餐廳，一來便是一碟溫暖的飽飽，配上香滑的牛油，十分美味。主菜吃了海鮮意大利飯，剛熟的飯放在大啡菇上，散發海鮮的鮮味，配合十分完美叫了一道牛扒，炭香味出色，已經不需要再加其他調味了是一家性價比高的餐廳😋😋

同朋友在尖沙咀行完街，佢推薦食西餐 "Amitie Kitchen "餐廳環境舒服，座位寬敞食物質素性價比高👍落完單，店員就送來香脆熱鬧鬧面包，配埋牛油同士多啤梨醬超正👍火灸半熟三文魚伴紫蘇葉莎莎🐟三文魚外焦內嫩，配上清新爽口沙律菜，加入甜甜酸酸醬汁，特別開胃🥗牛肝菌蘆筍意大利飯🍄‍🟫意大利飯粒煙韌適中，香濃芝士牛肝菌，加入爽口蘆筍片，好味到停唔到口😋澳洲 T 骨羊扒🐑 T 骨羊扒肉質鮮嫩多汁，搭配薯仔、南瓜、蕃茄、長豆，整道菜色香味俱全😋夏日新鮮水果茶（熱）🫐🍊🍍一壺熱騰騰的水果茶，清新的水果香甜，簡直完美。 士多啤梨朱古力窩夫🍓🧇熱鬧鬧窩夫外脆內軟，加上香滑士多啤梨雪糕，作完美句號🥰🥰

今日同朋友黎到尖沙咀厚福街H8，九樓的一間西餐廳。餐包有三款：黑糖、果仁、麵包條餐包有預熱，附有牛油及果醬～我最中意係黑糖麵包，好鬆軟～餐牌食物種類多今日點左：火炙半熟三文魚伴紫蘇他他火炙的過程讓三文魚表層帶有輕微的焦脆感，而內層的魚肉依然保持柔軟多汁，半熟的狀態讓口感更加滑嫩！紫蘇他他醬的加入為這道菜增添了清新的風味，紫蘇的獨特香氣與三文魚的油脂完美融合～阿拉斯加比目魚伴牛油蒜、煙肉薯仔🥔這些配菜不僅增添了色彩！阿拉斯加比目魚的味道清淡而鮮甜，以鹽、胡椒和檸檬汁簡單調味，以保留魚肉的原汁原味。牛肝菌、露荀意大利飯牛肝菌的濃郁香氣與露荀的清新口感，整體風味層次豐富，適合喜歡濃郁與清爽既人. 撒上一些帕瑪森芝士碎或香草，進一步提升整體的味覺朱古力心太軟伴雲尼拿雪糕朱古力心太軟的外層微脆，內裡則是溫熱且流動的朱古力醬，好吃到要再encore涷水果茶清甜解渴，多種果肉及果粒鮮甜，茶底清新

在特別嘅日子，想揾間有氣氛嘅餐廳傾下計，放鬆下。店內燈光柔光，好適合情侶或者幾個好朋友相聚。由前菜、主菜、甜品、飲品都有好多選擇。前菜餐廳有提供麵包，有兩款包加長脆餅，牛角包外皮金黃酥脆，可配上牛油及果醬，麵包夠新鮮，單食都好味火炙半熟三文魚伴紫蘇莎莎火炙半熟的三文魚外表微微焦脆，散發著誘人的煙燻香氣，魚肉則保持著鮮嫩多汁的口感，色澤鮮亮，好新鮮。搭配的紫蘇莎莎，清新的紫蘇香氣與酸甜的調味相得益彰，同三文魚好夾牛肝菌露荀意大利飯細膩的米粒吸收了牛肝菌的精華，口感滑順，彈牙。軟身嘅牛肝菌配上爽脆嘅露荀，面上再撒上少許芝士，增添了一絲鹹香及層次感8oz美國頂級西冷揀左5成熟，西冷肉質厚實，色澤鮮紅。經過精心烹調，外層微微焦脆，內部保持著完美的嫩滑與多汁，熟度控制得好。配菜方面幾有心思，有帶有煙肉嘅薯仔、白蘿蔔、牛油粟米等，賣相一流朱古力心太軟伴雲尼拿雪糕朱古力心太軟外層脆口，內裡流淌著濃郁的融化朱古力，當刀切下時，熱烈的巧克力醬如同瀑布般流出，搭配的雲尼拿雪糕則清新順滑，熱嘅心太軟配上凍嘅雲尼拿雪糕，絕配西瓜乳酸梳打

今日放假約個朋友食個晚餐🌙見到呢間樓上餐廳感覺好有情調❤️一試之下原來質素都好唔錯👍🏻比得上唔少西餐廳食咗個Three Course既晚餐CP值真係好高💰 約會同聚會都好值得一試⭐️ 火炙半熟三文魚伴紫蘇葉莎莎 🍣火炙過後嘅三文魚特別帶油香🔥 配上沙律同埋莎莎醬酸甜感覺好清新🥗⭐️ 佛羅倫斯蕃茄燉牛肚 🇮🇹牛肚燉煮得好軟腍🐮質素媲美得住係佛羅倫斯試過既地道感覺✈️ 加上濃濃既番茄醬呢個版本比較開胃🍅⭐️ 牛肝菌蘆筍意大利飯 🍄‍🟫飯粒粒粒分明硬度岩岩好😚 牛肝菌嘅香氣夠晒濃郁配上蘆筍唔會太過膩🍄⭐️ 美國USDA頂級西冷扒 🥩西冷嘅火候控制得啱啱好🤪切落去充滿肉汁好嫩滑🥹簡單調味已經好足夠⭐️ 法式橙酒煮班戟 🥞法式既Crepe保留了鬆軟的口感🇫🇷 橙酒嘅味道將酒精揮發了🍸但保持了橙香味道好有層次🍊⭐️ 朱古力心太軟伴雪糕 🍫心太軟外皮微脆但切落去流心嘅效果滿分🤎 濃郁既朱古力唔會過甜好有質感🥰⭐️ 夏日新鮮水果茶 🧃用上唔少新鮮嘅果粒配上紅茶☕️ 特別一讚不額外加糖🍓 飲到水果既清新感⭐️ 宇治抹茶紅豆冰 🍵宇治抹茶甜度不太高又帶回甘既口味 💚比起經典嘅紅豆冰更有一份Fusion感🇯🇵

同朋友喺尖沙咀食晚飯，嚟到厚福街H8。Amitie kitchen 主打意式西餐。員工服務有禮，環境舒服寬敞。好適合三五知己嘅聚會地方。首先有餐包前菜火炙半熟三文魚伴紫蘇莎莎火炙處理過嘅三文魚，油脂逼哂出嚟，十分香。配搭紫蘇同蔬菜，中和油膩感，食多幾塊都唔滯。莎莎醬更加開胃。美國頂級西冷西冷牛扒用料本身夠好，肉質一啲都唔鬆散，夠新鮮同埋解凍工序一啲都唔馬虎。調味適中，熟度控制一流。另外，燒烤味都足夠，咁先好食。香辣蕃茄汁花甲天使麵花甲新鮮鮮甜，鮮味完全融入哂食蕃茄汁裡面，真心好食，加微微嘅辣味打開味蕾係錦上添花，採用幼身嘅天使麵，可以連汁食多啲士多啤梨朱古力窩夫配雪糕窩夫夠新鮮，熱辣辣又夠脆身，牛油味夠哂香，撈埋雪糕一冷一熱嘅配搭真係好正，士多啤梨配朱古力真是配搭。水果茶水果種類豐富，飲落係天種嘅甜味夠清爽。