影片
更多
2024-09-21
150 瀏覽
約咗班朋友一齊去食串燒，最主要想搵個地方同大家一齊傾吓偈，其中一位朋友推薦咗我哋尖沙咀厚福街呢一間日式串燒店餐廳位於商業大廈21樓，可以遠望尖沙咀景致，餐廳內以木系做主題，上面掛咗好多昭和時期，海報滿滿，日本風情今次師傅安排咗我哋坐吧枱位置，可以望到師傅為我哋燒製串燒會提供自家製沾醬，有少少豆香味唔會太鹹，今次我揀咗佢哋嘅蘋果甜酒，朋友就揀咗柚子梅酒蘋果酒會帶蜜糖甜味好易入口適合女仔飲用試咗個非常特別嘅日本銀杏，口感煙靭加少少鹽已經好滋味紫蘇雞胸紫蘇葉包住嫩白嘅雞胸肉，燒完出嚟熱辣辣帶出紫蘇葉獨特香氣明太子豆腐豆腐外層金黃，裏面豆腐非常嫩滑，豆腐外層鋪滿咗明太子醬鹹香豆香混埋一齊非常滋味一上枱就可以見到豬腩肉粉嫩嫩，而且煙燻味十足，鹹度適中，沾埋蜜糖芥末醬，好容易食到停唔到口，呢一個大推法國鵪鶉雞腿非常少見，鵪鶉髀啖啖肉，脂肪比例比較少放心食燒白鱔我絕對係燒白鱔嘅愛好者，鳥鑫白鱔處理得非常好，唔會食到有骨，而且非常新鮮夠晒彈牙，曬啲鹽粉已經一流燒雞皮呢個位其實已經開始飽，剩返雞皮脆脆卜卜，好過癮牛舌牛舌非常厚，而且牛味香濃，咬口十足燒日本雞全翼用咗阿波美雞，雞味非常濃郁，最欣賞係師傅控
約咗班朋友一齊去食串燒，最主要想搵個地方同大家一齊傾吓偈，其中一位朋友推薦咗我哋尖沙咀厚福街呢一間日式串燒店
餐廳位於商業大廈21樓，可以遠望尖沙咀景致，餐廳內以木系做主題，上面掛咗好多昭和時期，海報滿滿，日本風情
今次師傅安排咗我哋坐吧枱位置，可以望到師傅為我哋燒製串燒
會提供自家製沾醬，有少少豆香味唔會太鹹，今次我揀咗佢哋嘅蘋果甜酒，朋友就揀咗柚子梅酒
蘋果酒會帶蜜糖甜味好易入口適合女仔飲用
試咗個非常特別嘅日本銀杏，口感煙靭加少少鹽已經好滋味
紫蘇雞胸
紫蘇葉包住嫩白嘅雞胸肉，燒完出嚟熱辣辣帶出紫蘇葉獨特香氣
明太子豆腐
豆腐外層金黃，裏面豆腐非常嫩滑，豆腐外層鋪滿咗明太子醬鹹香豆香混埋一齊非常滋味
一上枱就可以見到豬腩肉粉嫩嫩，而且煙燻味十足，鹹度適中，沾埋蜜糖芥末醬，好容易食到停唔到口，呢一個大推
法國鵪鶉雞腿
非常少見，鵪鶉髀啖啖肉，脂肪比例比較少放心食
燒白鱔
我絕對係燒白鱔嘅愛好者，鳥鑫白鱔處理得非常好，唔會食到有骨，而且非常新鮮夠晒彈牙，曬啲鹽粉已經一流
燒雞皮
呢個位其實已經開始飽，剩返雞皮脆脆卜卜，好過癮
牛舌
牛舌非常厚，而且牛味香濃，咬口十足
燒日本雞全翼
用咗阿波美雞，雞味非常濃郁，最欣賞係師傅控制火候色澤均勻
冬菇、青椒仔、沖繩苦瓜
最後食埋蔬菜串燒沖繩苦瓜非常特別，食完串燒食返串苦瓜平衡返，櫻花蝦鮮味同苦瓜都係一個創新嘅配搭
📍鳥鑫Tori Kin
尖沙咀厚福街12-12A號藍馬商業大廈21樓
張貼
