鮨一 (厚福街)

營業中

休息中

最近好似好耐都冇食過日本嘢，又未有得去旅行，就搵間居酒屋食下過下癮先 。上到去先發現原來餐廳最近搞清酒放題，拎出嚟嘅酒都幾有誠意，2個鐘慢慢飲，真心唔錯。特上錦繡刺身（8款，各2切）刺身非常厚切，每片都好大舊 。拖羅魚油甘香、脂肪比例均勻口感綿滑 ；劍魚口感紮實；海膽入口即溶，有淡淡海水味 。日本蘋果沙律青蘋果切絲好爽脆，撈埋其他菜同蟹籽食，口感好豐富。蘋果甜甜酸酸好適合做前菜。鹽燒雞中翼（四隻）燒雞翼我鍾意食！雞翼燒到脆卜卜，而且調味啱啱好 。鹽燒牛舌（一串）華味烏雞皮串（一串）雞尾尖（一串）餐廳幾好嘅係會等你食晒刺身先再上串燒，串燒梗係要熱辣辣先好食啦，送酒一流 ！