影片
更多
2024-09-15
548 瀏覽
位於尖沙咀瑞生酒店4樓，環境暗黑系，幾舒服。食完飯仲可以同朋友飲多兩杯傾下偈！🔶 Ceviche Tuna Salsa $68★★★★☆秘魯吞拿魚拌蕃茄莎莎開胃菜，Light又酸爽！比起一般用餅乾/玉米片，鱈魚脆片就特別得多，好似泰國小食脆片。吞拿魚加埋蕃茄洋蔥、香草等有埋黑醋汁，成個配搭好清新，恰到好處！🔶 Garlic Prawns Conflict $88★★★★☆蒜片橄欖油封大蝦配多士，蒜片煎香到焦脆，橄欖油都有蒜香味道，多士點完佢加埋大蝦、蒜片一齊食，好豐富！大蝦夠爽口，仲有4隻，味道唔錯！🔶 Iberico Pork Loin Rack $188★★★★★呢個慢煮西班牙黑毛豬鞍架超級好食，直程係當日VIP！首先用料係西班牙國寶伊比利亞豬已經係好頂級，食橡果長大，個豬肉好有肉香！加上脂肪、肉比例剛剛好，亦同時煮到剛好78成熟左右，超級軟嫩多汁！加上個豬扒應該預先醃左，有味但唔會搶哂FO，單食已夠味道！佢仲有個紅酒梨汁配碟，清甜解膩！🔶 Risotto with Isoyaki Abalone $288★★★★☆和風原隻磯煮鮑魚配野菌意大利飯，飯嘅味道偏向帶甜味，日風似係用左日
位於尖沙咀瑞生酒店4樓，環境暗黑系，幾舒服。食完飯仲可以同朋友飲多兩杯傾下偈！
🔶 Ceviche Tuna Salsa $68★★★★☆
秘魯吞拿魚拌蕃茄莎莎開胃菜，Light又酸爽！比起一般用餅乾/玉米片，鱈魚脆片就特別得多，好似泰國小食脆片。吞拿魚加埋蕃茄洋蔥、香草等有埋黑醋汁，成個配搭好清新，恰到好處！
🔶 Garlic Prawns Conflict $88★★★★☆
蒜片橄欖油封大蝦配多士，蒜片煎香到焦脆，橄欖油都有蒜香味道，多士點完佢加埋大蝦、蒜片一齊食，好豐富！大蝦夠爽口，仲有4隻，味道唔錯！
🔶 Iberico Pork Loin Rack $188★★★★★
呢個慢煮西班牙黑毛豬鞍架超級好食，直程係當日VIP！首先用料係西班牙國寶伊比利亞豬已經係好頂級，食橡果長大，個豬肉好有肉香！加上脂肪、肉比例剛剛好，亦同時煮到剛好78成熟左右，超級軟嫩多汁！加上個豬扒應該預先醃左，有味但唔會搶哂FO，單食已夠味道！佢仲有個紅酒梨汁配碟，清甜解膩！
🔶 Risotto with Isoyaki Abalone $288★★★★☆
和風原隻磯煮鮑魚配野菌意大利飯，飯嘅味道偏向帶甜味，日風似係用左日本麵豉醬做調味，飯粒軟硬適中帶咬口，比起一般食開嘅意大利飯冇咁易膩。原隻鮑魚都幾大隻，爽脆彈牙都夠入味。
🍸 Mocktail~ First Crush & Passionate Night兩杯無酒精飲品，First Crush就比較清新，飲落有青瓜香氣。鍾意飲甜口嘅可以揀另一杯，冇想開中嘅酸味，提子香。
🌟總括：食物好味道，環境舒服都幾寧靜，啱哂同朋友傾偈飲番兩杯！豬鞍扒好有驚喜絕對會再黎Encore，下次會想試埋個Signature封門柳，見隔離枱食好吸引！
張貼
