1
餐牌仲有好多菜式可以選擇，最近仲新出咗越南菜 X 限定小黃牛肉粉系列 - 匙炳 /吊龍 /雪花，款款都好吸引呀！而且呢度嘅Set lunch包埋餐飲，都係 $69 起，好抵食呢！
✨越式吊龍湯河
平時打邊爐就見得多嘅吊龍，好少食越南河粉嘅時候見到😍 生牛肉放落熱湯滾完，肉質依然好嫩，加埋檸檬，味道份外清新。
✨香茅燒豬頸肉撈檬
呢度嘅豬頸肉燒得香脆惹味，帶有少少焦香，配上香茅嘅調味，味道鮮美開胃，撈檬仲份量十足呀！
✨串燒雞、牛、豬三串
即烤嘅串燒一上菜就聞到好香既肉味，再加上沙嗲醬，串燒香口嫩滑，口感人回味無窮🤤
✨焦糖燉蛋
最後見到甜品，我哋都忍唔住獎勵自己～薄薄嘅一層焦糖，入口酥脆，配埋綿滑嘅燉蛋，又香又甜，甜度啱啱好～
1
