捌加廿陸天婦羅居酒屋

營業中

休息中

尖沙咀行行下見到一間隱世小店，原來呢一間專食日式天婦羅便入去。鋪頭細細間但充滿日本昭和時代感，牆身貼滿日式poster。睇了菜單，見到有天婦羅丼、丼飯，小食，睇中天婦羅自選定食$30起，包主食、龍蝦味噌湯及前菜。主食可選冷酢橘蕎麥面/冷酢橘烏冬/冷蕎麥面/冷烏冬，熱湯蕎麥面/熱湯鳥冬，香蔥牛油飯/白飯，而另加的天婦羅有成20多款，真系會選擇困難。最後我點了天婦羅以海鮮和蔬菜為主軟殼蟹、廣島蠔、黑虎蝦、南瓜、本菇、蓮藕、大啡菇，另外點了期間限定既「九肚魚天婦羅」成個餐好豐富，因為自選所以好期待，黑虎蝦、軟殼蟹、廣島蠔都好新鮮，天婦羅制法薄薄脆脆的，保存到海鮮原味，好juicy。南瓜鮮甜、本菇香口、蓮藕好爽脆。最等別係大啡菇同埋九肚魚好少見系天婦羅制法，但今次吃下去大啡菇爆汁juicy，九肚魚肉非常新鮮，可以連骨吃掉，十分過癮。枱面有櫻花蝦、七味粉同埋柚子鹽自由使用，把櫻花灑在白飯上，突然之間顯得十分浪漫，沾上柚子鹽的天婦羅又有另一番風味。