捌加廿陸天婦羅居酒屋 (已結業)

【油尖旺區】【捌加廿陸】識飲識食嘅同事多次介紹我食呢間，但係我好唔爭氣，一直都冇時間去食。直到有一次放飯，有多少少時間，又見佢冇人排，就入咗去。佢喺尖沙咀一蘭隔離，唔算好難搵。入到去就發現原來裏面都唔係好多個位，難怪有時經過見到食呢間都要排吓隊啦。佢主要係食天婦羅嘅，有唔同嘅丼飯做選擇，但係佢啲組合我都唔係好中意，就要咗 $30 嘅「自選天婦羅定食」。當中包括「主食」、「龍蝦味噌湯」同前菜，個前菜我 ignore 咗，碗湯有龍蝦味，幾好，主食個五穀類我加 $8 轉「冷酢橘烏冬」，凍得嚟唔錯喎。天婦羅我就要各 $20 嘅「鰻魚」、「鮮帶子」同「原條穴子」，加埋各 $13 嘅「那哥魚片」同「半熟蛋」。貴啲嗰堆都係真係海鮮嚟，炸完都仲保留到食材味，平嗰兩樣係魚片同半熟蛋，比較一般啲。加 $12 飲埋「日本蘋果汁」，加一夾埋就 $150，略貴。。。（地址：尖沙咀緬甸臺8號凱譽地下17號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #捌加廿陸天婦羅居酒屋 #捌加廿陸 #天婦羅 #居酒屋 #自選天婦羅定食 #主食 #龍蝦味噌湯 #前菜 #冷酢橘烏冬 #鰻魚 #鮮帶子 #原條穴子 #那哥魚片 #半熟蛋 #日本蘋果汁 #1am1812 #1ambackup…查看更多

友人知道我喜歡食天婦羅，叫我經開呢區可以去試吓。店內面積精緻，似係以日式海產市場作主題裝飾，天花掛上魚網，牆上貼滿海產圖畫，座位多面壁而坐。架上提供多款調味料，食冷熱烏冬/蕎麥麵可自加調味。食厭咗普通煎餃子，又可以試吓雞皮餃子 ($48)。用鷄皮代替餃子皮，開初都擔心會否一咬就會好多油，其實經過炸後，本身嘅鷄油已經”迫”咗出黎。點埋個餃子汁食，入口係外脆中又帶點嚼口，而餡料就係餃子餡，夾住一條黎食都幾過癮。每款定食，都包埋龍蝦味噌湯及前菜主菜係蒲燒鰻魚丼 ($88)，份量相當大碗。半條蒲燒鰻魚，兩邊圍住蛋絲及幾片醃蘿蔔，賣相不俗。梗要將蛋絲，鰻魚及飯結合，一啖放入口先食到蒲燒汁嘅甜味，繼而係燒鰻魚嘅軟嫩，再有白飯嘅滿足，多少少蒲燒汁撈飯就好味。呢度仲有自選天婦羅定食 ($30)，可以選擇白飯/冷熱烏冬/蕎麥麵，加少少錢可另轉香蔥牛油飯/冷酢橘烏冬。可選食材主要為海產/鷄肉/牛肉餅及蔬菜類。每款都吸引，尤其係海產類，配以冷蕎麥麵，所以就叫咗廣島蠔 ($20)，鮮帶子 ($20)，黑虎蝦 ($13)，半熟蛋 ($13)，皇帝蟹棒 ($13)及四季豆 ($9)。趁熱食就由鮮帶子起動，唔算太大粒但幾厚身，無渣仲幾鮮甜。隻廣島蠔炸完都仲咁大隻，$20隻相當抵食，蠔身夠飽滿幾有蠔味。天婦羅蛋印象中比較少見，呢度仲要入口係半熟流心狀態，蛋黃汁好creamy。所有天婦羅嘅炸漿都夠薄身，唔會食到一口粉都未食到主角，仲要即叫即製，入口夠熱度同唔油。雖則佢呢度係有炸菠蘿伴雪糕呢客甜品，但就成日都將呢客芝士年糕 ($38)，由小食變為甜品。入口熱辣辣，炸至外香內軟，香甜軟滑嘅芝士配合煙韌嘅年糕外皮，食得快先可以食多一粒，哈哈………仲有其他特色天婦羅如龍蝦，九肚魚，花尾龍躉，活虎蝦等，有待下次。…查看更多

好耐之前已經收藏咗呢間餐廳嘅旺角分店，想去試但未有機會，而且好似都幾多人食，見到尖沙咀開咗新分店，近啲，就去試下。6:30去到，都8成滿，舖頭入面超細，得幾張枱，如果等位都有排等。同埋入面超熱，食到成身汗濕晒，攞埋風扇出嚟吹，淨係食到想快啲走。而且啲枱好細，真係淨係岩岩好放到兩碗飯，仲有本身啲餐具桶，我哋兩個人叫多咗碟炸雞，嚟到都冇位，要放住去收銀機嗰邊先，但係就係想一路食天婦羅烏冬一路食小食丫嘛😓又要叫店員拎返碟炸雞過嚟。烏冬湯底好淡，口感偏淋。天婦羅就還好，個炸衣有啲厚，亦唔係話超脆，個魚又唔係好香。…查看更多

店名: 捌加廿陸天婦羅居酒屋地址: 旺角窩打老道31-39號翠園大廈一期地下33A號舖油麻地站A2出口，行6分鐘環境: 4.5/5價錢: 4/5味道: 4/5每日經過都見到呢間大排長隊👀，星期六就早少少六點鐘入去食呢間人氣居酒屋🔥，入到去充滿日本居酒屋特色🇯🇵，下層可以直接望到廚師喺面前整，上層有榻榻米。嘢食種類多，有定食、小食、甜品等等。呢間絕對可以一試❗️ CP值好高呀💯海鮮天丼 ❤️❤️❤️❤️❤️$88即叫即炸，入面有黑虎蝦🍤、帆立貝、那歌魚、蟹柳、本菇、紫菜、四季豆。炸得黃金酥脆，海鮮亦都唔會炸得太老和太硬🙌🏻。食落去熱辣辣配上珍珠米， CP值好高，可以一試‼️自選天婦羅定食❤️❤️❤️❤️❤️$78可以自由選擇飯🍚/冷熱烏冬/冷熱蕎麥麵等等，天氣咁熱梗係要試吓冷蕎麥麵啦🧊。配上黑虎蝦、帆立貝、杏鮑菇、茄子🍆、蓮藕，定食亦都配有麵豉湯、沙律🥗，大推冷蕎麥麵‼️大大碗配上芥末，好解油膩感。蔬菜類天婦羅香脆，咬落去亦都有汁和爽脆😍芝士吉列豬扒❤️❤️❤️❤️$58吉列豬扒即叫即整，大概五至六嚿👀，每一嚿亦都包住大大嚿嘅芝士🧀，食落去外表香脆，內裏多汁配上芝士，如果你係芝士嘅愛好者😘，呢個一定要嗌🥰唐揚魷魚鬚❤️❤️❤️❤️❤️$38呢個份量多，咬落去爽脆，而且魷魚鬚🦑唔會咬唔開，食落去彈牙，配上柚子醬汁，好清新🙌🏻提子汽水❤️❤️❤️❤️$10食天婦羅一定要飲汽水🥤或者啤酒🍻，就揀咗日本提子汽水，天氣熱飲返一罐好爽🥳…查看更多

I was attraccted by their tempura lobster but unfortunately it was not available that day.There were plenty of sauces to choose from.Their eel rice was a nice choice. I get to try the usual eel and also tempura eel, which is not commonly seen. The batter was very thin yet still had a nice crunch. Thier enoki tempura was beautifully made and it was not too oily. For this price, definitely a bargain.Their tempura pineapple was an innovative choice. The icecream on top was quite hard though it was understandable as the pineapple itself was quite hot. I would suggest after taking the photo to reverse the icecream and have the bottom part first, which should be softer already.…查看更多