風雲丸

營業中

休息中

次次經過都見風雲丸入面坐滿人，今朝做完野自己過黎食下。舖頭除左坐滿香港人，今日weekend仲幾多遊客幫襯，呢頭周圍咁多餐廳但風雲丸仲keep到不停有食客入黎，真係幾旺。我嗌左個石燒蟹黃蟹粉蟹湯汁沾麵+唐揚炸雞，個蟹湯非常非常香濃，入面真係有蟹肉，真材實料。用石鍋上可以keep住夠熱，超正！麵條質地幾有咬口，面頭都放滿蟹肉香蔥洋蔥仲有隻蛋可以撈埋一齊食!個沾麵真係好好食，滿滿鮮蟹味嘅一餐我勁鍾意🫰唐揚炸雞只係加$18就有兩大舊，我鍾意唧多d檸檬汁咁食，炸雞嘅皮唔會過厚但又唔會好油，肉質幾嫩，超值！餐牌有好幾款日本汽水我未見過，揀左支綠茶可樂試下，幾好飲！