風雲丸

成日經過都見好多人食緊，今日行完k11就去左食，好彩排左5分鐘就有位，環境木系裝潢位置都多，不過繁忙時間就可能要搭枱。12點見到仲滿座😂。@fuunmaruhk-💕 「期間限定❣️」蜜棧金蠔．炙燒牡蠣沾麵 $168麵🍜可免費選200g /300g ｜溫🔥/冷❄️👅好味指數：7/10麵竟然可以揀200g/300g😳貪心既我原本想揀300g，好彩冇😂女仔建議200g就好，沾麵口感煙韌到小似烏冬😛，面層鋪左洋蔥粒、金蠔、炙燒牡蠣、荀、一片檸檬，石鍋沾麵一岀餐就滾到「滋滋滋」，店員話趁依個時間就要放粒檸檬🍋落去攪拌煮岀個香味清新感，湯底蠔味岀得黎唔油膩唔腥，帶微微清香又唔會酸左。蜜棧金蠔微甜口感，冇雪藏味⛄️。-💕 石燒濃厚豚骨魚介味玉沾麵 $121麵🍜可免費選200g /300g ｜溫🔥/冷❄️加配+沙拉唐揚炸雞(2件/$18)👅好味指數：8/10湯底同樣加上檸檬🍋攪拌，豚肉味>魚介味，再加多份清香感，質感醇厚，豚肉厚肉唔肥，糖心蛋流心效果👍🏻。沙拉唐揚炸雞，夠哂大件😚外脆內軟，唔厚粉唔多肥膏又好juicy🩷。-環境：8/10服務：8/10整體味道：8/10回頭率：8/10…查看更多

📍G/F, Mody House, 30 Mody Road, Tsim Sha Tsui 尖沙咀麼地道30號Mody House地舖---在尖沙咀的拉麵新星 Fuunmaru 風雲丸，以濃厚魚介豚骨湯底和創意沾麵打響名堂。這裡的菜單雖精簡，但每一道都令人回味。• Oyster Tsukemen with Honey Glazed & Grilled Oysters 蜜機金蠔炙燒牡蠣沾麵 $168🦪✨ 招牌必試！炙燒牡蠣香氣撲鼻，蜜糖釉面帶微甜，配上濃厚沾湯，鮮味滿分。• Tsukemen with Egg 石燒濃厚豚骨魚介味玉 $103🍳🍜 經典之選，豚骨魚介湯底厚實濃郁，石燒香氣加持，溫潤滑口，味玉更是完美點綴。• Brown Sugar Vanilla Ice Cream 黑糖雲呢拿雪糕 $28🍨🍯 甜品小驚喜！黑糖香氣濃郁，配上香草雪糕，為整餐劃上清爽句號。✨ Summary🦪 Oyster Tsukemen｜🍳 Egg Tsukemen｜🍨 Brown Sugar Vanilla Ice Cream👉 Rich broth, flame-seared oysters, and a sweet finale—all in one satisfying experience!…查看更多

《風雲丸》石燒濃厚雞🐓叉燒魚介味玉沾麵🍜📍尖沙咀麼地道30號Mody House地舖風雲丸係一間過江龍店，以前响灣仔有分店，不過唔知關唔關一位頗大名嘅Youtuber狠批左佢一鑊事，灣仔店好似都執左好多年了。至於呢間尖沙咀店係灣仔店執之前開定其實只係搬店，我就冇刻意去了解了。我今次試嘅係雞🐓叉燒魚介味玉沾麵🍜，同以往試嘅招牌沾麵，分別都只係塊叉燒唔同左姐。香味 (4/5)魚介沾汁用石窩上，上桌時仲係滾熱辣，出晒煙，魚介香味係好足夠。沾汁 (4/5)佢個汁真係做到相當濃厚，就算以沾汁來講都稍為鹹左d，但還可接受。如果將d麵全數沾透會過鹹，不過呢下可以自己調節，我就認為沾6成效果好d。同其他做豚骨魚介口味嘅店都有同一個問題，魚介味蓋過晒d豚骨味，所以豚骨味食唔出咁滯，只能食到少少動物系嘅甜同鮮。食到尾湯割，溝稀左d後豚骨味出返來，食到魚介唔只鰹節咁簡單，仲有唔少煮干嘅味道。麵條 (3/5)麵比較普通，唔算係好煙韌纏綿嘅質地，比較硬同實。麵味則正常。配料 (3/5)雞叉燒中規中矩，雞肉似超巿買到嘅急凍貨色，而調味亦當相普通，唔夠香，麻麻地。整體都係普通水平，唔好唔壞，未至於好似以上提及位仁兄講到咁伏。另外，因為我响尖沙咀返工，留意到唔少食肆，包括呢間風雲丸，都請左d操唔純正廣東話嘅阿姐做樓面，雖然同食物質素係冇直接關係，只係我個人覺得為呢碗麵添左d譚仔風情姐 😂。…查看更多

📍風雲丸 // Tsim Sha Tsui, Hong Kong熱石鍋盛湯x沾麵🍜依加嘅天氣最啱食碗熱騰騰嘅濃湯拉麵！風雲丸主打用石鍋盛湯配搭沾麵，湯底超濃郁，麵質煙韌，再配搭主食，滿足感Max! 見店舖宣傳緊蜜棧金蠔+炙燒牡蠣🦪 沾麵決定試吓~鮮甜嘅蠔汁湯底掛唒喺麵上，而豚骨魚介沾麵嘅豚肉都好入味，配搭唐心蛋一流！🤤🤤燒汁唐掦炸雞小食好有驚喜🫶🏻 雞肉夠唒juicy唔會炸到乾晒！大推大推✨✨🧷 @fuunmaruhk#hungrykuuu_hongkong #hungrykuuu_tsimshatsui #香港好去處 #香港美食 #尖沙咀美食 #hkfood #hkgoodwest #相機食先 #食好西 #hkfoodie #香港打卡…查看更多

沾麵係風雲丸嘅招牌，必食之選。掃qr code落單⭐石燒濃厚豚骨魚介沾麵（溫+大盛300g）$98粗身嘅手工拉麵，有得揀溫麵定冷麵，溫麵帶麥香，食落軟硬度適中，係我鐘意嘅麵質。豚肉肥廋相間，口感軟腍，配菜有筍同苜蓿芽。沾湯熱辣辣，魚味濃郁，食到好重柴魚味，湯汁比較鹹，拉麵同肉本身冇調味，所以浸落湯度食就啱啱好。之前食過其他餐廳嘅沾麵，淡茂茂而且好油，但呢間嘅沾湯唔會太油，湯汁好掛麵好夠味。試原味後，再滴檸檬汁🍋落湯，魚湯混合檸檬嘅酸味，開胃得黎又係另一番風味。普通份量200g，大盛300g唔洗加錢，特盛400g加$5。我女仔唔算大食，覺得大盛或特盛先夠飽肚，就算食300g，沾湯都仲會有剩。⭐辛辣雞叉燒魚介拉麵（少油）$98有兩塊雞叉燒，口感好滑好嫩，配菜有翠玉瓜同玉米筍。拉麵一樣好彈牙，但冇得加麵。湯底非常濃郁，唔算太辣，食得出七味粉嘅辣椒味，算幾重口味，所以冇點飲湯，我朋友覺得沾麵更值得一試。兩款都係98蚊，價錢偏貴，唔包野飲，不過檯面有提供免費檸檬水。配菜亦唔多，除非另加$，我感覺食幾啖好快就剩返麵，越食味道會越單調，如配菜多少少會更好。…查看更多