風雲丸

營業中

休息中

🔶🔷🔶人氣拉麵店 食蟹王蝦籽沾麵！？🔷🔶🔷⬇️睇內文食評同地址啦⬇️。。風雲丸開左咁多年都一樣咁有人氣，全因佢嘅魚介湯真係做得幾出色。除左佢個湯，我另外仲好欣賞佢個麵，食到有麥香，口感又不錯。雞叉燒魚介拉麵（$93）黎到呢度點都要食番碗魚介麵，咁多年黎都保持到水準，湯底好香又濃。黃金蟹皇蝦籽撈沾麵（$178）呢度食沾麵可以揀麵嘅份量，我地就揀左大盛（300g），大盛都唔洗加錢架～又可以揀溫或者冷麵。呢款期間限定沾麵真係令我心心眼，一上檯店員先落蟹油，下面有火滾住成兜野勁香，入面嘅蟹肉係勁多，食到尾都仲好多！。強烈建議一定要嚟食呢款期間限定蟹皇沾麵，出色過我地唔同中菜食過嘅蟹粉好多！。@fuunmaruhk 。📍風雲丸 (尖沙咀)尖沙咀麼地道30號Mody House地舖

尖沙咀搵食時經過呢間風雲丸，被佢哋嘅招牌吸引左，望入裝修甚有日本風格，而且食物又啱心水，雖然剛坐滿要等一會，但都好快便可以進入開餐囉☺️。餐廳推出了期間限定，黃金蟹王蝦籽撈沾麵，愛好蟹🦀王的我見到心心眼，即刻點左黎品嘗下。店員用火興住鮮味濃郁的蟹黃，內裏的蟹肉豐富，將新鮮彈牙嘅沾麵加入拌勻，每條麵都超濃郁，真係好捧啊。叉燒雞魚介湯拉麵，湯底是用豬同雞骨煲煮，夠火喉又濃郁，湯杰身帶點黏口感，好有真材實料feel, 雞肉厚身有2件，軟淋有咀嚼感，麵質爽彈亦掛湯，相當唔錯。梅子酒甜度略高，配冰飲味道則剛剛好。

拉麵隨處都可以搵到、見到，但係好食既沾麵呢？有日去開𣴒沙咀，行過K11 Mall，發現角落有間拉麵店，以為只係就咁一碗碗拉麵，再細睇餐牌，原來有沾麵架喎。叫餐係要用手機，自助點完，即時要手機比錢埋單，先叫做成功落單，過一陣就會送過來。萬一比錢唔成功，都可以走去收銀處叫店員幫手既。點左石燒濃厚豚骨魚介沾麵，再加份炸雞。麵既份量可以喺手機落餐時揀埋。上菜時，熱辣辣，石鍋裝住既湯出晒煙，小心燙手！唔洗擔心驚唔知點食，枱面會有張貼紙教你每個步驟。一路食，湯一直保持住果份熱度，同埋濃郁既魚味，好吃～餐廳唔算大，如果打算同朋友去食，有機會旁邊就係陌生人。反而對獨自去食麵既幾friendly。

今日去了食尖沙咀食lunch我們點了安格斯牛小排配石燒濃厚沙嗲湯沾麵$128麵質，溫 ,大盛300g唐揚炸雞（5件）$37羽根餃子（5件）$37石燒濃厚雞叉燒魚介沾麵$98麵質，溫，大盛 300g安格斯牛小排配石燒濃厚沙嗲湯沾麵$128麵質，溫 ,大盛300g滾熱辣的石鍋，新鮮的牛小排。一上枱就馬上把牛肉放入湯中。等牛肉熟了可以放入麵。沙嗲汁好香，有粒粒的花生。唐揚炸雞（5件）$37外脆內軟，肉質鮮嫩多汁。羽根餃子（5件）$37脆脆外皮，好好味！石燒濃厚雞叉燒魚介沾麵麵質，溫，大盛 300g汁比較濃好好味，麵質爽口彈牙。

人氣日本拉麵店⭐️主打豚骨魚介湯底拉麵🍜以2公斤的豬骨、雞骨熬足8至10小時🔥並加入了優質魚介粉，風味獨特🧂加上裝修沿用日本風格🎏令人如置身日本享受地道風味美食😃以雞髀肉製成的雞叉燒，軟嫩入味🍗豚骨湯夠鮮甜，濃而不膩🥘麵條屬自家製，新鮮彈牙😋混合辣椒粉所製成的辛辣湯底🌶️配以秘製厚切叉燒、溏心蛋🥚厚切筍片的拉麵，滋味十足🤩餃子煎成薄脆，加入辣汁和沙律醬🥟惹味香口，味道有層次😙

今日同小朋友上完堂，去咗呢度試新嘢⋯⋯去到都8點幾鐘，坐低之後見到要自己do code,但係個code就⋯⋯🙄Do 咗一大輪先入到去點餐，之後嘢食上枱，拉麵上枱，個汁煲到好好好滾⋯⋯麫身不俗，不過塊肉就一般，個餃子一般啦⋯而家好多食店都好興do完要比埋$，不過唔係所有客受囉⋯⋯好啦，之後上巴士返屋企個段路就G G嘞，啲胃氣好似大肚婆嘔仔咁，最終落車頂唔住要死埋一邊⋯⋯嘔番啲麪，獲利回吐，相信都係啲汁肥得滯⋯⋯以後咪預我🙄

有日早收工出開尖沙咀，要醫肚先，見到風雲丸有下午茶優惠，好多選擇幾抵食！我就嗌左份醬油豚骨魚介豚角沾麵，下午茶套餐仲包一份小食同一杯嘢飲！湯底融合了豚骨的濃厚與魚介嘅鮮味，層次分明，香氣撲鼻。麵條嘅口感彈牙，與濃郁湯底相得益彰，亦都非常掛汁，每一啖都感受到湯汁嘅滋味。豚角嘅部分軟肥瘦均勻，我仲追加多一件叉燒，叉燒烹調得10分入味，入口即溶，好邪惡😍我仲追加多一份唐揚炸雞，炸雞外皮酥脆金黃，醃製嘅調味恰到好處，讓人回味無窮。

點了個雞沾麵，漏單，催了好耐店員又無回覆，扮無野。經過三番四催最後用了25 分鐘才到，跟住原來又漏左炸雞。廚房運作一塌糊塗，建議改進一下廚房運作及服務流程。員工也不太熟悉手機落單情況

風雲丸之前都有食過，估唔到佢哋出咗下午茶時段，2:30起有下午茶套餐🔥 包括飲品，$58起，好抵食😉叫咗佢地招牌”醬油豚骨魚介豚角沾麵”！𖡼 醬油豚骨魚介豚角沾麵🍜沾麵湯底用石鍋上，熱辣辣，上枱時仲係滾緊～ 麵有咬口軟硬度適中，沾麵湯底夠掛汁，好香濃既魚介味道😋𖡼 (追加) 炙燒豚肉 本身沾麵已有好多舊豚肉粒✔️ 食肉獸既我我再追加了炙燒豚肉，超大塊‼️𖡼 (追加) 紫菜紫菜超大塊，有3塊，好滿足～☺️𖡼 (追加) 唐揚炸雞🥠🥠必定要加點，勁Juicy！💦𖡼 (下午茶包括飲品) 雀檸

鋪頭：風雲丸地址：尖沙咀麼地道30號Mody House地舖​💰281蚊/2位💰Order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ ​1️⃣ 安格斯牛小排配石燒濃厚沙嗲湯沾麵 $128推薦👍🏻沙嗲湯好味，夠香而不太濃味，係呢個餐嘅精髓，牛小排完全唔鞋，仲好嫩，麵質索哂湯汁，又彈牙👍🏻👍🏻​2️⃣ 石燒濃厚豚骨魚介味玉沾麵 $103鍾意魚介湯嘅必食，個湯有香濃魚介味，一定要讚豚肉，好少食到咁腍，有香油脂味嘅豚肉，入口即溶，為左呢個豚肉，值得再黎​3️⃣ 跟餐：唐揚炸雞 +$18炸雞夠脆，雞肉唔鞋口，都幾滑，沙律醬比得足👍🏻​4️⃣ 跟餐：櫻花可樂 +$32夏天食熱辣辣沾麵，要配返枝汽水先爽​😋總結：呢間沾麵好食過東京某知名沾麵🫣為左沙嗲湯&豚肉，想食多次

風雲丸石燒濃厚豚骨魚介味玉沾麵平時都成日食沾麵，呢個沾麵嘅湯底都算唔錯，豚骨同魚味都有，佢個湯比較濃稠，好容易就可以將啲汁掛喺呢條上面😜！同埋佢個湯勁在係用石鍋去煮，食到一半個湯仲好熱！係拉麵店最鍾意就係食佢嘅蛋，佢嘅糖心蛋味道適中，唔會過咸～蛋黃仲要留心，非常好食😆😆我覺得佢仲有個地方做得好好嘅係可以揀面嘅份量，女仔可能比較細食就可以揀200 gram，想食多啲亦都有選擇可以揀300g葉縣和梨酒平時食飯都鍾意同朋友小酌一杯，呢款酒果汁味較重，酒精成份唔高，女仔都可以放心飲🍻柚子雪葩呢個雪靶做得唔錯～有沙冰嘅感覺，同時又有濃濃嘅柚子味😚

昨晚我哋去咗一間人氣沾麵、拉麵店，夜晚已有人排隊，好彩好快有位。安格斯牛小排配石燒濃厚沙嗲湯沾麵呢款沾麵係呢間店嘅推介之一。安格斯牛小排肉質嫩滑，脂肪分布均勻。配上濃厚嘅沙嗲湯，湯底香濃，帶有濃郁嘅花生同香料味，充滿咗豐富嘅層次感。沾麵嘅麵條彈牙有嚼勁，吸滿沙嗲湯之後，味道更加突出。呢款沾麵好惹味😋 仲配有半熟溏心蛋。豚骨魚介拉麵，湯底結合咗豬骨同魚介嘅鮮味，濃郁而不油膩，叉燒厚身。另外加了粟米粒，帶出咗一絲甜味，令整體味道更加豐富。拉麵麵條彈牙，吸滿湯底嘅精華。羽根餃子係呢間店嘅特色小食之一，每一隻餃子都煎得金黃香脆，底部形成咗一片羽翼狀嘅脆皮，非常吸引。餃子內餡豐富，豬肉同菜嘅比例恰到好處。外皮脆而不硬，內餡多汁，配上餃子汁食，味道更加一流。飲品方面，信州白桃蘇白桃嘅香甜味道搭配蘇打水嘅清爽氣泡，入口非常清新。另外值得一讚餐廳店員有善，非常好👍

風雲丸位於尖沙咀K11 Art MALL商場附近，餐廳店外裝潢日式居酒屋風格🏮所以好容易就會俾佢吸引到🤭假日午市亦要大排長龍😲可見區內人氣之選之一👍🏻風雲丸主打石鍋沾麵，熱石鍋盛載沾麵湯汁，食到後期都仲可以保持微暖效果👍🏻👍🏻坐低後見到餐牌有一項新品推介-安格斯牛小排配石燒濃厚沙嗲湯沾麵，即刻二話不說叫咗一個😋😋朋友就叫咗石燒濃厚豚骨魚介味玉湯沾麵，我哋仲見佢有優惠價可以加配日本直送雪糕🍦安格斯牛小排配石燒濃厚沙嗲湯沾麵牛小排都有啲啲厚度😲一上台後店員就提醒要放入石鍋內用餘溫滾熟牛肉🤭枱面上仲有唔少調味料，我仲落咗大量炸蒜添😋😋牛小排嗦哂超級濃郁嘅沙嗲湯，好喜歡哩個港式x 日式嘅cross-over石燒濃厚豚骨魚介味玉湯沾麵豚骨魚介湯頭味道濃厚，沾麵仲可揀要冷麵或溫麵，粗身嘅拉麵🍜掛湯度十分強，每一口都有整豚骨同柴魚香👍🏻溏心味玉有畫龍點眼嘅效果😎日本直送雪糕🍦有四隻味道👅，我哋柚子雪葩同埋綠茶雪糕，柚子雪崩好清新，啱晒食完拉麵之後解解嚟膩，綠茶雪糕茶咪夠濃

喺門口見到呢個港式湯底沾麵，俾佢吸引咗入嚟沙嗲肥牛麵就食得多，但係沙嗲沾麵就比較少見啦！安格斯牛小排配石燒濃厚沙嗲湯沾麵牛小排係生的，有4片，嚟到之後要即該將佢放落石燒沙嗲湯入面先熟架！味道幾有驚喜，沙嗲湯好濃郁，配上日式嘅麵條，容易掛面，crossover得不錯！石燒濃厚豚肉魚介味玉沾麵一如既往重魚介香味，而且湯底因為用石燒上，所以真係夠晒熱辣辣，食沾麵湯底最緊要夠熱！豚肉厚切，燒得剛剛好，充滿油脂！糖心蛋都有流心嘅效果！明太子香鬆飯呢個飯可以將佢放落食剩嘅湯底入邊成為雜炊，又或者就咁食都可以！明太子配飯真係一流我兩樣都有試👍另外仲叫咗個燒汁炸雞，炸得好脆，好Juicy，必定要嗌！食咗兩件都覺得唔夠喉😌

尖沙咀來到人來人往的K11 art hall，而出邊條街，同樣人來人往的麼地道，有一間日式舖頭喺某個十字街口耸立著，次次經過見好多人排隊，今天時間早啲，啱開門做生意，唔需要排隊就入到來，佢就係“風雲丸”，吃沾麵出名的“風雲丸”。首先叫咗個“石燒濃厚豚骨魚介味玉沾麵”，湯底濃厚的沾麵料理係呢家有名氣的出品，各類魚介熬成的湯底好夠味同埋鮮甜，配埋質地系柔和可完美掛湯的麵條，又有笋片及流心蛋，再加舊大大舊慢煮的豚肉，好得人鍾意，現場所見，連外國人都來食吖；鰻魚不嬲係朋友喜愛之食物，於是乎“石燒鰻魚飯”就係佢嘅選擇， 厚厚肉的鰻魚燒得好香口，食落啖啖肉勁開心；再來個“辛口沙拉羽根餃子”，首先見到係5隻餃子煎到好特別，有一層薄薄的皮將5隻餃子連埋一齊，跟住上邊落咗啲辣的醬汁，特別得來好味。來自日本高知県的“柚子雪葩”（sorbet）和“米雪糕”為呢餐寫上完美句號。