一遊

營業中

休息中

今日約咗四個朋友一齊食飯，呢一班都係認識咗好耐嘅豬朋狗友，所以一定要去一個可以飲酒嘅地方。最近真係好少飲清酒，所以我就提議不如去勞士佛台呢間日式居酒屋，結果大家都好滿意，話嘢食好味，清酒好飲，環境舒適，service都幾好。神龍純米大吟釀，第一啖比較甜，有獨特果香味。雖然酒精度數有16.8度，但係都絕對覺得易入口！呢個清酒配埋炸雞軟骨同炸八爪魚一齊食，真係好夾，而且炸得好酥脆，完全唔會覺得油膩。後來就決定叫啲魚生，所以就叫咗八爪魚沙律，店員都有特別介紹，就係話要將佢捲埋啲果蓉一齊食，加埋佢哋自家調製嘅醬汁，真係好有驚喜。呢度嘅魚生都好出色，好新鮮，超好食！我特別鍾意佢哋超大隻嘅牡丹蝦同好肥美嘅中toro。海膽吞拿魚roll都係一個幾出色嘅item，紫菜保持到好脆，但係魚生蓉真係好creamy。熟食方面就叫咗串燒，牛舌、雞肉串，蘆筍豬肉同番茄豬肉就係其中幾日我覺得最出色嘅，所有嘅肉都調配得剛剛好，唔會鞋，而d蔬菜又保持到好清甜。鐵板宮島蠔手略為有炸過，加埋甜甜地嘅醬汁，好好食，墊底底嘅菇類都好出色！雖然話我哋係嚟飲酒，但係最後都叫咗一壺藍莓茶大家一齊分享，味道好fresh。