影片
更多
2024-06-22
35 瀏覽
今日我地又去咗尖沙咀食野喇，今次係一間樓上嘅日式燒鳥。野食未嚟之前，店員畀左咗碟幾特別嘅五色調味粉畀我地先，分別有山椒粉、七味粉、抹茶鹽 、柚子鹽 同 辣味粉。🌟燒鱈魚乾依個燒鱈魚乾同我地之前食過嘅烤魚乾唔同，除咗濃郁嘅燒魚香味之外，有一個燒到好鬆脆嘅質感，送酒一流！🌟水牛芝士煙肉卷喺坐低嘅時候我地已經見到店員預備緊一堆煙肉，再拎咗包芝士逐件逐件即場人手包，所以我地都叫咗兩串試下，烤香嘅煙肉包住軟滑嘅芝士心，邪惡得嚟食落又唔會有個好油膩嘅感覺，值得推介！之後一碟過上嚟就係四式雞雞雞雞，包括有雞頸肉、雞食道、雞下心同雞尾。🌟雞頸肉就咁聽雞頸肉我仲以為係好似鴨脖咁成條頸上，原來係將雞頸最多肉嘅部份起咗肉上來串燒，雞頸中間嘅雞食道就起上來做另一道菜。🌟雞食道雞食道又真係第一次食，味道同質地有少少似雞軟骨，但形狀就好似一條好幼嘅通粉咁，係一個幾特別嘅菜式。🌟雞下心煙韌多汁，又唔會有腥味，唔錯！🌟雞尾雞pat pat 係近來嘅至愛，燒香咗嘅雞尾有油香味之餘個唔會有肥膩嘅感覺，火喉掌握得好好！🌟糯米雞肉棒近排我地都試過幾款唔同嘅免治雞肉棒，依個係用糯米包住嚟燒，同一枝雞肉棒提供到脆、煙韌、軟熟三層
野食未嚟之前，店員畀左咗碟幾特別嘅五色調味粉畀我地先，分別有山椒粉、七味粉、抹茶鹽 、柚子鹽 同 辣味粉。
🌟燒鱈魚乾
依個燒鱈魚乾同我地之前食過嘅烤魚乾唔同，除咗濃郁嘅燒魚香味之外，有一個燒到好鬆脆嘅質感，送酒一流！
🌟水牛芝士煙肉卷
喺坐低嘅時候我地已經見到店員預備緊一堆煙肉，再拎咗包芝士逐件逐件即場人手包，所以我地都叫咗兩串試下，烤香嘅煙肉包住軟滑嘅芝士心，邪惡得嚟食落又唔會有個好油膩嘅感覺，值得推介！
之後一碟過上嚟就係四式雞雞雞雞，包括有雞頸肉、雞食道、雞下心同雞尾。
🌟雞頸肉
就咁聽雞頸肉我仲以為係好似鴨脖咁成條頸上，原來係將雞頸最多肉嘅部份起咗肉上來串燒，雞頸中間嘅雞食道就起上來做另一道菜。
🌟雞食道
雞食道又真係第一次食，味道同質地有少少似雞軟骨，但形狀就好似一條好幼嘅通粉咁，係一個幾特別嘅菜式。
🌟雞下心
煙韌多汁，又唔會有腥味，唔錯！
🌟雞尾
雞pat pat 係近來嘅至愛，燒香咗嘅雞尾有油香味之餘個唔會有肥膩嘅感覺，火喉掌握得好好！
🌟糯米雞肉棒
近排我地都試過幾款唔同嘅免治雞肉棒，依個係用糯米包住嚟燒，同一枝雞肉棒提供到脆、煙韌、軟熟三層質感！
🌟醬燒飯團
飯團加上飯索表面搽上醬油，燒到焦香脆脆之後加埋嘅紫菜香味係一種享受！
🌟秋葵、唐辛子
兩個烤蔬菜都配上會郁下郁下嘅木魚，烤秋葵唔會有太過滑孱孱嘅感覺，烤唐辛子味道有少少似青椒。
🌟蕨餅
最後嘅甜品係一個抹茶蕨餅，就完滿結束依一個回合喇！
📍火赤
尖沙咀寶勒巷29號寶昌商業大廈5樓
10分滿分
味道：8/10
環境：8/10
價格：7.5/10
2人總數💰800（已加一）400
0 瀏覽
0 讚好
0 留言
張貼
