南瀛水產

海鮮新鮮係最重要？要煮得好食都好緊要㗎！好多時我哋特登去日本都係想食新鮮嘅海產，原來香港都有即撈即燒嘅新鮮水產店😍近期好多朋友大推嘅南瀛水產，以日本食材同進口水產為主打，一入門口已經見到一個好大嘅魚缸裝住好多龍蝦、鮑魚、生蠔同各種海產😋而且裝修仲同日本嘅海產店差唔多添！除此之外，呢度仲有壽司、刺身、炸物，好適合一大班朋友上嚟一齊食！重點推介蟹味噌甲羅燒🌟入面有原隻鵪鶉蛋、新鮮蟹肉、蟹肉味噌、飛魚子，味道唔會好重，但好蟹味，送飯好掂！海鮮盛合🦪有齊生蠔、鮑魚、扇貝、虎蝦、蟹腳、花甲，隻鮑魚仲識郁㗎！全部都好新鮮，仲要大大隻，店員仲會即場幫我哋燒，火候燒得啱啱好，加埋特製醬汁，100分！雲丹蟹肉卷 🫔清新之選，上面嘅海膽連新鮮嘅蟹肉一齊食，加埋少少青瓜，入口有海膽嘅清甜連蟹香，多重口感享受松葉蟹海膽釜飯 🍚 每次去日本都一定會食嘅，估唔到今次加埋櫻花蝦會令成個飯蟹味更香更出😋以後尖沙咀又多一個食靚日本水產嘅地方啦💕