牛品台式火鍋

營業中

休息中

Item: 牛品台式火鍋
Rating: 4
Author: 膠龍兔豬

Beef Bang Taiwanese Hot Pot

4.5

648 食評

味道

環境

服務

衛生

抵食

24688

尖沙咀

$101-200

台灣菜火鍋

577

膠龍兔豬

等級4

247

📌 牛品台式火鍋 - 尖沙咀樂道32-34號1樓🗓(28/8) 星期一 ⏰ 晚上6:30左右 💈特式：今年夏天好似無乜料到，轉眼間已經開始有入秋嘅感覺，我就趁機不斷出動打邊爐了，今日就同大家嚟食間位於尖沙咀樂道嘅台式任食火鍋店。🥩🍔🌭🌮🥗🥯🥘🍲🍝🍣🥟🍤🍱食物：佢地晚市套餐就係食120分鐘，收費就就分左4個等級(上/極/御/殿)，食材同食物種類當然會有所分別，最貴個set會有日本進口A4和牛任食，但價錢都唔平，所以我就揀個我覺得抵食d嘅「牛御品」餐，而家等我同大家講下🇹🇼🍲味道先。🐮🍲 「牛御品」吃到飽套餐 $3️⃣1️⃣9️⃣ - 因為啱啱趕到18:30前入座，所以價錢會比黃金時段平成$40蚊，感覺就更加抵，呢個套餐都已經包左任食澳洲M9和牛肩胛肉，每位一隻鮮鮑魚同一杯春陽茶事特飲。🥘湯底 - 湯底種類就有10款選擇，如果揀鴛鴦鍋就要加$50，當中我就覺得「紅燒一品鍋」/「沙茶海鮮鍋」/「元氣養生鍋」最吸引，最尾我就揀左「元氣養生鍋」，貪佢夠滋補，湯底入面有好多藥材，好似平時屋企煲湯咁，仲要無加味精，真係可以當湯水咁飲。🐮牛類 - 呢個餐有8款不同牛種類可以任食，當中我最推介係封

569 瀏覽

3 讚好

0 留言

🐮🍲 「牛御品」吃到飽套餐 $3️⃣1️⃣9️⃣ - 因為啱啱趕到18:30前入座，所以價錢會比黃金時段平成$40蚊，感覺就更加抵，呢個套餐都已經包左任食澳洲M9和牛肩胛肉，每位一隻鮮鮑魚同一杯春陽茶事特飲。

🥘湯底 - 湯底種類就有10款選擇，如果揀鴛鴦鍋就要加$50，當中我就覺得「紅燒一品鍋」/「沙茶海鮮鍋」/「元氣養生鍋」最吸引，最尾我就揀左「元氣養生鍋」，貪佢夠滋補，湯底入面有好多藥材，好似平時屋企煲湯咁，仲要無加味精，真係可以當湯水咁飲。

🐮牛類 - 呢個餐有8款不同牛種類可以任食，當中我最推介係封門柳，估唔到佢出色程度竟然仲蓋過澳洲M9和牛肩胛肉，質素真係近期食過最好嘅封門柳，入口淋滑有肉味，而且每碟質素好平均，此外牛板腱/牛脷心托表現都唔錯，不過就偏薄左少少，如果可以厚返少少就好喇。
另外肉類處理方面亦做得幾好，每碟肉上到枱係可以輕鬆逐片夾起，唔會雪到實晒，又或者過份解凍到痴埋一疊。

🐷🐐🐔豬羊雞類 - 豬類就有西班牙栗飼豬梅肉同豬五花，羊類就有紐西蘭進口羊肉卷，雞就係自家製花雕醉雞件。

🦐🐟🐙🦑海鮮 - 海鮮都包左紐西蘭青口/海蝦/蜆/台灣墨魚仔/深海魚柳，除左魚柳之外，我都試晒，整體都幾新鮮，海蝦幾大隻同無雪味。

火鍋配料 - 電子落單同自助區加埋嘅火鍋料都唔少，當中有唔少種類比較有台灣特式嘅都做得唔錯，例如手打蝦滑/花枝漿/韭菜魚餅/燕餃/台式蛋餃/芝士炸蛋/高麗菜豬肉水餃/麻吉燒/黃金魚豆腐/櫻花蝦餅等等。
麵類亦有台灣出名嘅王子麵/新竹米粉/烏龍麵/蒸煮麵。

9 瀏覽

0 讚好

0 留言

🥬蔬菜 - 菜及素食類選擇亦唔少，真係想食咩菜都有，蔬菜質素亦好新鮮，當中水蓮同紫蘿蔔必食。

🇹🇼台灣小食 - 台灣小食種類算幾多選擇，我叫個餐有超過30款小食同夜市熟食可以揀，我都叫左當中10款有多，每款都真心好食，完全無伏，尤其是係佢地d滷水食物，更為出色。

🍨甜品 - 甜品自助區就有Haagen-Dazs雪榚任食，仲有好多台灣特式toping比你自制喜歡嘅口味。

☕️🍵🥤🧋🍺🍷🥃🍹🧉🍾🍶🥛
飲品 : 我食個set每人會送一杯春陽茶事特飲，其他飲品都係自助形式，自行出去大雪櫃度攞，包括好多款罐裝汽水，梳打水及台式飲品，餐廳仲有幾款無糖系列冷泡茶，我試左當中2~3款茶類，整體都唔錯。

🍽環境：餐廳佔地都幾大，有不少卡位，坐位非常闊落舒服，此外出面醬料區同自助區好大，分類又整齊，同埋都keep得好乾淨衛生，餐廳整體光猛企理。

24 瀏覽

0 讚好

0 留言

🤵🏻🤵🏻‍♀️🤵🏻‍♂️服務：餐廳主力用QR Code落單，一埋位職員都好用心介紹menu/自助區/洗手間位置等等，態度認真唔錯，上菜/收碟速度都好迅速，亦無漏單/扣單情況出現。

💰💸價錢：係尖沙咀區大約$3️⃣0️⃣0️⃣就可以任食台式火鍋，仲有澳洲M9和牛肩胛肉及多款火鍋配料/台式小食/甜品等等任揀任食，質素又好，價錢絕對合格。