The Pearl

瑞生尖沙咀酒店樓上有間唔貴嘅意大利餐廳，而且味道都唔錯。今次我同朋友叫左四款主打菜式同兩杯cocktail，坐低好好享受一個晚餐。無花果帕馬火腿沙律配巴馬臣芝士，松子仁及黑醋橄欖油汁 ($98)呢份沙律好大份，主角帕馬火腿鹹鹹香香配埋清甜哈密瓜，甜同鹹相輔相乘，帶出平衡口感。另外，沙律菜好新鮮，用黑醋橄欖油做調味，連埋巴馬臣芝士同松子仁一齊食，勁夾。吞拿魚牛油果泡沫他他配自製羅勒油 ($108)新鮮吞拿魚蓉色澤粉紅，配上牛油果醬同自家製健康羅勒油，口感更順滑，味道更突出。 和風醬油大蝦煙肉扁意粉 ($168)4隻大蝦用和風甜醬油煎香，蝦肉爽口彈牙。扁意粉煮到岩岩好，軟硬適中，再用醬油同煙肉炒香，甜甜地非常入味。香煎牛風門柳 ($178)風門柳五成熟，油脂分佈好平均，食落有好濃郁嘅牛肉味，配上特製意式青醬，為味道更添一份層次。配菜薯蓉都好出綿滑好出色。Pearadise ($130)Crimson SaMuRai ($130)兩杯cocktail都好好飲，餐牌有好詳盡嘅介紹每杯cocktail嘅成分，好適合少飲酒嘅朋友仔清楚了解每杯cocktail嘅口味。