紅葉茶屋 (帝國中心)

營業中

休息中

好耐無去尖東一帶，放工後就同朋友去搵好野食，順便慶祝大家生日！朋友係抹茶控，一睇到呢間餐廳有咁多抹茶飲品同甜品我地就決定食呢間 ！牛肉壽喜燒定食上菜好快，除咗牛肉之外仲有豆腐得好多蔬菜，營養均衡 ，牛肉點一點生雞蛋食一流 。定食仲有麵豉湯同漬物 。豪華吉列滑蛋丼 （豬扒&廣島蠔）炸皮做得簿身，炸得通透同好脆，而且份量都唔少，一大塊豬扒同2粒大炸蠔，細食少少都食唔晒🤣熱忌廉抹茶拿鐵忌廉幾挺身，有返啲厚度，就咁食都好正 。忌廉甜甜地，啱啱好中和咗抹茶嘅澀 。熱抹茶拿鐵餐廳每杯抹茶都附上朱克力，幾貼心，抹茶少少苦，但加埋奶好滑好香，大大杯好滿足 。和風炸雞成盒（雞件/雞全翼）係芝麻雞翼啊，炸得好透，放咗一陣食個皮都仲脆，炸物做得幾好 。鎌倉紅葉茶屋抹茶提拉米蘇鎌倉紅葉茶屋抹茶白玉最後點少得甜品，2款都打卡一流 ，提拉米蘇用木盒裝幾吸睛 。抹茶白玉要親自倒抹茶落白玉度，儀式感十足 。白玉好煙韌，配上甜甜地嘅紅豆同熱嘅抹茶，涼涼地嘅天氣食好舒服 。