集眾菜館

營業中

休息中

驚喜小菜此終尋，今晚叫了四個餸，四個都好好味，命中率達100%真係好少有。先來個燒乳鴿，佢最正係可以一隻一隻咁叫，我地兩個人當然只叫一隻，留返個肚食第二D野。個乳鴿D肉好嫩，又唔會好似平時出面嗰D炸到乾爭爭。鐵板白胡椒煎焗魚卜好香口好好味，D魚卜煎得真係好食，鐵板上熱辣辣一D都唔會鯹。小炒重佢話係鎮店，又真係幾好食，蝦乾韭菜腰果都正，不過最精彩就係D炸脆咗嘅芋頭絲。鐵板蒜香牛柳粒又係好好食，D牛肉好新鮮，一D都唔un，好有牛肉味，老闆娘話係用新鮮牛肉做，成本高不過為咗追求鮮味無計啦。全部都好好食，下次要試埋其他野。