影片
更多
2025-03-03
391 瀏覽
南山邨唔係剩係得品香樓😆😆😆今日嚟咗石硤尾，見到呢間餐廳開左冇幾耐但已經好多人幫襯，我哋都試吓先😆打開menu 見到好多都好吸引 有小炒，有炒粉麵飯連海鮮都有。價錢都好抵。忍唔住都比平時嗌多咗🤣💫蒜香風沙骨呢個真係好正！炸到外皮好脆，蒜香味好濃，但唔會太鹹，啲肉仲好嫩滑，一啲都唔乾。食完仲想再encore！💫西蘭花炒龍躉球呢個都好抵讚！龍躉球大大嚿，咬落去好彈牙，魚肉鮮甜，完全冇雪藏味。西蘭花炒得啱啱好，唔會太淋，仲保持到爽脆。💫豉汁蒸大鱔呢個真係好入味！啲鱔肉好滑，豉汁嘅香味完全滲入去，仲有啲百福豆腐墊底，豆腐吸晒啲豉汁精華，食落去好juicy。鱔肉一啲都唔腥，反而好鮮甜，送飯一流！💫蒜心炒黃牛肉黃牛肉切得薄薄哋，炒得啱啱好，唔會太老，肉質好嫩滑。蒜心好爽脆，一啲渣都冇，炒得夠鑊氣，仲帶少少甜味，同牛肉好夾。食完覺得好滿足，但又唔會覺得膩。除咗小炒出色，連白飯都好好食，啲飯煮得粒粒分明，唔會太濕或者太乾，食落去有米香，同啲餸菜一齊食真係絕配。📍金華餐廳小廚 (石硤尾)石硤尾大坑東道111號南山邨南山商場地下1號舖
今日嚟咗石硤尾，見到呢間餐廳開左冇幾耐但已經好多人幫襯，我哋都試吓先😆
打開menu 見到好多都好吸引 有小炒，有炒粉麵飯連海鮮都有。價錢都好抵。忍唔住都比平時嗌多咗🤣
💫蒜香風沙骨
呢個真係好正！炸到外皮好脆，蒜香味好濃，但唔會太鹹，啲肉仲好嫩滑，一啲都唔乾。食完仲想再encore！
💫西蘭花炒龍躉球
呢個都好抵讚！龍躉球大大嚿，咬落去好彈牙，魚肉鮮甜，完全冇雪藏味。西蘭花炒得啱啱好，唔會太淋，仲保持到爽脆。
💫豉汁蒸大鱔
呢個真係好入味！啲鱔肉好滑，豉汁嘅香味完全滲入去，仲有啲百福豆腐墊底，豆腐吸晒啲豉汁精華，食落去好juicy。鱔肉一啲都唔腥，反而好鮮甜，送飯一流！
💫蒜心炒黃牛肉
黃牛肉切得薄薄哋，炒得啱啱好，唔會太老，肉質好嫩滑。蒜心好爽脆，一啲渣都冇，炒得夠鑊氣，仲帶少少甜味，同牛肉好夾。食完覺得好滿足，但又唔會覺得膩。
除咗小炒出色，連白飯都好好食，啲飯煮得粒粒分明，唔會太濕或者太乾，食落去有米香，同啲餸菜一齊食真係絕配。
📍金華餐廳小廚 (石硤尾)
石硤尾大坑東道111號南山邨南山商場地下1號舖
張貼
