瀛鍋

營業中

休息中

係九龍城搵食真係好多選擇，試過咁多間真係要講一講呢間火鍋店，去到先知原來有兩層咁大，上層有八間房型可以book，可以舒舒服服咁樣擁有私人空間打邊爐，如果有小朋友嘅話，地下果層仲有一個遊樂空間可以俾啲小朋友玩煮飯仔，細心到令我覺得驚嘆🥰😍講返啲嘢食先！屋企平時唔會煲豬肺湯，事關清洗要好多功夫。難得呢度有《瑤柱滋潤白肺湯》 ，梗係要潤一潤啦！個湯真材實料，唔會有豬囉味，呢個湯底正架。叫咗大量肉類：安格斯、金錢展、牛柳粒、牛舌、本地牛。一上枱見到啲牛嘅油花分怖同色澤，就知道啲牛靚，對得住呢個價錢。連丸類都有驚喜：彈牙嘅貢丸包住軟糯嘅芋泥《香芋包心貢丸》係我最愛 ；仲有《金沙流心魚蛋》《鮮蝦水餃 》都好好味🤤 大推！ 不得不提嘅仲有《自家製洛神花茶》講真，我未飲過咁好飲嘅洛神花茶，酸甜度適中，賣相吸引，好似飲緊一杯特飲咁，打邊爐啱晒！另外淺嘗刺身， 試左三文魚 、希靈魚、北寄貝等，整體鮮甜毫不失色。