尋味

營業中

休息中

今晚好想食烤魚，醒起在家附近有一間“尋味”，一直都好想試吓晚飯時間去到，已經座無虛席，好像啱啱有一台客埋單，呢度有室內從室外嘅位，悉隨尊便我哋聽老闆介紹，兩個人點一客清江魚烤魚，已經好夠我哋食，上菜時一個大盤，一大條清江魚，仲有好多配料：芽菜，蓮藕，雲耳，芫荽，洋蔥，蒜粒，唐芹，雜菜，好豐富阿！我哋選擇咗青藤椒烤魚方式，微辣香口，十分滋味，最特別嘅係，條魚越煮得耐，肉係更嫩滑，索埋啲湯更好味，咁就唔使驚煮過龍急住食，好正！由於條魚實在太豐富，我哋只係試吓少少串燒，就已經覺得好夠飽，我哋試咗燒魷魚腳，雞皮，翠玉瓜，羊肉，燒魷魚腳$28有十條，燒得啱啱好，香脆而不韌口，雞皮嘅焦香真係惹味，翠玉瓜保持爽口，羊肉最正，正宗烤羊串燒做法，一粒肥一粒瘦串起來，既有肥美甘香，瘦嘅肉粒又鎖住肉汁，做得出色食咁香口美味嘅嘢，飲杯冰凍特飲就最啱，招牌鴨屎香檸檬茶同埋紅石榴檸檬茶，大大杯，賣相非常好，我唔知咩係鴨屎香，但杯茶好清新好爽甜度適中，飲一啖食一啖嘢最爽！紅石榴檸檬茶比較甜，如果有更辣嘅食物會好匹配，但而家個甜味都好舒服呀，呢餐食得好開心呀！