The CHOYA Ginza BAR

營業中

休息中

今次已經係第二次去依間酒吧！位於銅鑼灣嘅中心地帶。最啱食完飯同朋友過嚟一齊飲盃嘢傾嚇偈，上次開業時過嚟都已經好鍾意呢度嘅氣氛，員工服務態度亦好friendly同貼心。Choya Latte同埋Choya Beer不但外觀靚，而且好啱我口味😋 原本怕酒味重嘅我 都覺得好易入口 都係用佐Choya Single Year 做base 而且梅子酒味很香。Choya Latte 入麵仲有加咖啡同牛奶🍸味道不會很澀，非常順口。朋友叫嘅梅香啤佢都好鍾意，上次嚟都係叫佐呢盃，可見真係好鍾意同朋友嚟bar 梗係要配啲下酒菜啦！呢邊嘅小酒菜有好多選擇，我哋點咗三個唔同嘅。先上枱嘅【蒜香牛油蝦】蝦畀嘅份量比預料中嚟得多，蒜味都唔會特別突出，同牛油融合得剛剛好。【香腸拼盤】畀咗唔同嘅香腸，全部外皮都煎到脆卜卜得嚟入麵又勁Juicy 超好食❣️另外仲有醬汁可以搭配 成個配搭勁邪惡😈 【薯角配梅子塔塔醬】 可以話係我嘅小酒菜必備。薯角炸到熱辣辣好正啊😍梅子塔塔醬味道清新，帶有微酸嘅口感，梅子嘅味道都唔會好突兀奇怪，沾住一齊食能夠好好咁提昇整體嘅口感。總括嚟講，呢度真係適合三五知己上嚟傾嚇計，敘敘舊嘅好地方。