一生懸麵

營業中

休息中

一生懸麵，就我看來以舖頭名字嘅含意就係一生都專注於提供優質嘅麵給客人。旺角分店長期都派咗長長嘅長龍，每次經過都想試但又懶得排隊。今日到左tea time見人少少，入得快，終於扚起心肝去試一試呢間聞名不如見面的舖頭。Menu 好簡單，就係一張紙仔，有齊麵、小食、飲品。濃厚豚骨沾麵真係超濃厚嘅豚骨湯底，好掛麵，每一條麵條都沾滿湯汁。而且仲有兩塊厚切豚肉，豚肉燉得好琳，入口即化。魚介豚骨沾麵魚介湯底食落好清甜，有魚嘅鮮味，好refresh。而且都有兩塊厚切豚肉，十分好食。燒餃子餃子皮燒得很趣，入面啲餡料好豐富，啖啖肉。一口一隻餃子，超方便。唐陽雞有4舊大大舊嘅雞肉，炸得外脆內軟，雞肉保留到啲肉汁很Juicy。呢間鋪頭果然名不虛傳，佢嘅麵係真係做得好，唔怪得知成日都咁多人排隊。