影片
更多
2019-03-26
120 瀏覽
今日喺尖東做完嘢，突然之間想食番餐正宗嘅印度菜，但係又唔想行到去重慶大廈咁遠，就嚟咗寶勒巷呢間上樓印度菜啦。呢間餐廳位於萬事昌廣場2樓，可能因為樓上舖嘅關係，空間感極度充足，環境十分舒適，食完坐喺度傾計都好舒服，碟上有一塊大蕉葉，連餐具都咁有印度feel，正。炸雞串Chicken Lollypop，雞翼先被去咗一半骨，再放入滾油裏面炸香，上檯時香氣四溢，真正做到皮脆肉滑，特別鍾意佢旁邊有啲生洋蔥，同啲雞翼夾埋一齊食特別好味。小玉米胡椒洋葱，將粟米芯放入洋蔥同埋胡椒炒香，陪襯住一啲印度嘅香料，味道香濃。特色常餐 (連烤餅) ，我嗌呢個常餐就係貪佢有成六七種印度嘅醬汁配搭，仲有埋白飯同薄餅俾你配搭，醬汁都充滿印度風味，原來最左手邊白色同埋鮮橙色嗰兩個仲係甜品嚟嘅添，留到最後食就啱哂。特色芝士蕃茄瑪沙拉，由於個特色常餐已經包括咗烤餅，所以我哋就無諗住再另外追加其它款式嘅薄餅，不過店家熱情向我哋推介呢個瑪莎拉一定要同蒜蓉薄餅同食，咁我哋就忍唔住叫咗一份，果然呢個蒜蓉薄餅先至係整個菜色嘅靈魂，配合埋個馬莎拉真係香口非常。原來要食正宗嘅印度菜唔一定要去重慶大廈嘅。
今日喺尖東做完嘢，突然之間想食番餐正宗嘅印度菜，但係又唔想行到去重慶大廈咁遠，就嚟咗寶勒巷呢間上樓印度菜啦。
呢間餐廳位於萬事昌廣場2樓，可能因為樓上舖嘅關係，空間感極度充足，環境十分舒適，食完坐喺度傾計都好舒服，碟上有一塊大蕉葉，連餐具都咁有印度feel，正。
炸雞串Chicken Lollypop，雞翼先被去咗一半骨，再放入滾油裏面炸香，上檯時香氣四溢，真正做到皮脆肉滑，特別鍾意佢旁邊有啲生洋蔥，同啲雞翼夾埋一齊食特別好味。
小玉米胡椒洋葱，將粟米芯放入洋蔥同埋胡椒炒香，陪襯住一啲印度嘅香料，味道香濃。
特色常餐 (連烤餅) ，我嗌呢個常餐就係貪佢有成六七種印度嘅醬汁配搭，仲有埋白飯同薄餅俾你配搭，醬汁都充滿印度風味，原來最左手邊白色同埋鮮橙色嗰兩個仲係甜品嚟嘅添，留到最後食就啱哂。
特色芝士蕃茄瑪沙拉，由於個特色常餐已經包括咗烤餅，所以我哋就無諗住再另外追加其它款式嘅薄餅，不過店家熱情向我哋推介呢個瑪莎拉一定要同蒜蓉薄餅同食，咁我哋就忍唔住叫咗一份，果然呢個蒜蓉薄餅先至係整個菜色嘅靈魂，配合埋個馬莎拉真係香口非常。
原來要食正宗嘅印度菜唔一定要去重慶大廈嘅。
張貼
