大灰熊廚房

營業中

休息中

今日同朋友係將軍澳搵食，見有間難得係將軍澳又唔係大集團嘅餐廳，就去試下支持下。見網上被稱為隱世，係幾難搵，不過相信之後附近商場整好左就無問題，餐廳最緊要都係味道。椒鹽豆腐粒👍🏻👍🏻👍🏻呢樣前菜外脆內軟真係最基本😏，再加上調味又唔會好重手，食到豆腐味，要做到平衡好難，不過佢地做得好唔錯。👍🏻冬菇蒸雞👍🏻👍🏻👍🏻家常菜，主角一定係大大粒冬菇😎蒸雞嘅雞汁入哂味，一咬冬菇就勁多汁，好好feel。蒸雞都無過龍，味道啱啱好，好有屋企嘅味道🥰。京都肉排👍🏻👍🏻呢樣真係次次去餐廳都必點，原因當然係好餸飯😋酸甜汁係重點，兩種味道無話搶哂風頭。豬扒都算厚身而且夠淋，骨位都好易咬開，呢樣抵讚。小店要支持都要有質素，呢間就係其中一間值得撐嘅。要係將軍澳搵到間非連鎖嘅餐廳唔易，見有唔少食客都似係街坊嚟食飯，應該大家都係想搵返一d家庭式而且唔係倒模嘅食物，呢間餐廳都推薦畀大家嚟試下😎