大滾友火鍋 (美新大廈)

營業中

休息中

星期日去咗太和嘅大滾友打benno😗佢裝修幾得意，行中式宮廷風🏮龍躉片木瓜魚湯🐟佢啲湯底全部都好足料，今日試嘅龍躉片木瓜魚湯好清甜，木瓜煲到軟爛又甜，鍾意飲魚湯嘅可以一試。牛肉拼盤(細)🐮細嘅牛肉拼盤份量已經好多，有7個部位嘅肉，有牛排肉，牛頸脊，金錢展，雪花肥牛，和牛粒，牛舌同牛黃喉，牛味都幾重。蟹籽鮮蝦手打丸(4粒)🦐手打丸好彈牙，好食。伊比利亞橡果豬🐷豬肉肥瘦適中，份量好多。大滾友雜菜拼盤🥬叫個雜菜拼盤就基本上乜菜都有，有生菜，娃娃菜，萵筍，金菇，木耳，淮山，粟米同蕃茄。鮑魚勁新鮮，duk佢仲識郁嗰隻，肉質彈牙鮮味。