影片
更多
2016-07-15
1998 瀏覽
前幾晚 J2 台飲食男女介紹金燕島既由來，前身幾十年老店榮休結業，現時係尖沙咀重生差不多一年。被畫面美食所吸引，亦被故事所感動，眼眶凝淚。今日有緣路過就碰碰運氣睇睇有無位啦，七點未夠我地就坐低左預備開飯嚕，Lucky ﹗發現有兩個二人餐選擇，最主要我係想試潮州翅，睇完電視個畫面，一直使我諗諗不忘 ﹗先試個每位 HKD980 既招牌翅套餐，有機會先試平少少既 HKD880 啦。價錢已包左潮州翅、海斑、鵝片、芥蘭、炒飯、燕窩、甜品、水果，都好抵食喎。另外有兩個四人餐都超正喎，招牌堂灼巨海螺，超超超吸弔 ﹗散叫要 HKD1200 隻架，期待下次黎試，要湊夠人先得呢 ﹗前身為一間幾十年既潮州菜館金島，榮休後係尖沙咀重生為金燕島，十編食評十編讚好既酒家 ﹗出品好到不得了，用餐後都經常係腦海出現 ﹗服務殷勤周到，熱情有禮，而且每次都耐心介招菜色。內籠檯椅密度不算高，有一定既私人空間，裝修格局優雅，坐得舒適，仲有 VIP 房可供選擇添。功夫茶、咸酸菜，潮州其中兩寶，指定動作。先黎杯茶消消滯又開開胃，再食埋咸酸菜醒醒神，前奏做完，就可以開始起動喇 ﹗金牌潮州翅 shark fin soup，香氣撲鼻，
發現有兩個二人餐選擇，最主要我係想試潮州翅，睇完電視個畫面，一直使我諗諗不忘 ﹗先試個每位 HKD980 既招牌翅套餐，有機會先試平少少既 HKD880 啦。價錢已包左潮州翅、海斑、鵝片、芥蘭、炒飯、燕窩、甜品、水果，都好抵食喎。
另外有兩個四人餐都超正喎，招牌堂灼巨海螺，超超超吸弔 ﹗散叫要 HKD1200 隻架，期待下次黎試，要湊夠人先得呢 ﹗前身為一間幾十年既潮州菜館金島，榮休後係尖沙咀重生為金燕島，十編食評十編讚好既酒家 ﹗出品好到不得了，用餐後都經常係腦海出現 ﹗
服務殷勤周到，熱情有禮，而且每次都耐心介招菜色。內籠檯椅密度不算高，有一定既私人空間，裝修格局優雅，坐得舒適，仲有 VIP 房可供選擇添。功夫茶、咸酸菜，潮州其中兩寶，指定動作。先黎杯茶消消滯又開開胃，再食埋咸酸菜醒醒神，前奏做完，就可以開始起動喇 ﹗
金牌潮州翅 shark fin soup，香氣撲鼻，濃湯飄香，口水直流 ﹗要忍住先，等我拍返幾張靚相留個念 ﹗就係依隻顏色喇，顏色耀眼奪目，金光閃閃，晶瑩剔透帶光澤，淨係個賣相都贏晒 ﹗非常奢侈的魚翅頭盤啊 ﹗
餚足八個鐘既高湯配上滿滿一大碗翅針，見到雙眼已發晒光呢，翅針又粗又長，要用筷子先食到啊，大滿足 ﹗從未食過那麼好味既魚翅，高湯濃郁可口，清香甜美，質感厚薄適中，不膩不濁，失控地追住食。色香味俱全，份量十足，用料講究，師傅廚藝非凡，全部滿分 ﹗食到唔停口又停唔到手，一束束翅針連濃濃熱湯送入口，實在太美味，食左先講。如果散叫都要 HKD380 一份，食套餐物超所值 ﹗
五香滷水鵝片，招牌滷水汁，餚足三十幾年陳年滷水無得輸 ﹗香甜味美，味道豐富細膩，複雜而有深度。鵝肉嫩滑無比，肉汁澎湃，眼看得見的多汁閃令令。皮香肉嫩，肉質緊緻幼滑，身材出眾，不會肥騰騰、不會肥膏一舊舊 ﹗鵝片肉質紋理細緻，外皮香脆，皮肉片出黃金比例，滑彈棉膠有序。清香滷水餘韻久久不散，好味道無投訴。原來仲另一招牌菜滷水鵝頭，有機會一定要試試。
清蒸海斑，強調係海斑，唔係養斑。睇落有約 1 斤重，係最好食既呎吋，散叫要 HKD450 條架，價位都幾可怕 ﹗海斑即係海斑，味道同肉質跟養斑完全唔同，天堂與地獄，鮮味濃郁、肉汁跟魚油同樣豐富、質地嫩滑又彈牙結實 ﹗試過買條養斑返屋企清蒸，魚肉一陣怪味，顏色暗啞，質地又死實無彈性，諗起都驚。師傅蒸魚功夫了得，perfect ﹗
高水準一點紅，即魚骨部份只有一絲粉紅色，蒸到剛剛熟，撒蔥撰滾油即上檯，熱力迫人，魚香飄飄香噴噴 ﹗魚頭、魚雲、魚身、魚肚、魚眼、魚鰭、魚尾、魚三角、魚扣、臉珠登，就算魚骨都食得乾乾淨淨，非凡的味道，太過精采，食到唔停得口，好好食。
方魚炒肉蘭，連個咁簡單既炒菜都一絲不苟 ﹗芥蘭爽脆香甜多汁到不得了，顏色翠綠誘人，加上方魚咸香，惹味出眾，更加好味 ﹗
欖菜肉碎炒飯，到底如何能夠炒得咁好食，天上有地下無之境界 ﹗係我記憶中，肉碎炒飯會好濕，但係依個炒飯夠乾爽有鑊氣又均勻，飯粒每粒飽滿嚥韌，欖菜咸香配豬肉肉香加埋蛋香，滋味爆燈，十分好味 ﹗食到尾聲已飽飽地，但我都忍唔住要一口氣食左三份二碟飯呢 ﹗
杏汁燉官燕 braised bird's nest with almond juice，滾燙燙上檯，估唔到會係分汁上喎，唔係一齊燉的嗎？第一次食那麼矜貴的補品，有點孤陋寡聞啊。燕窩多到滿瀉，滿滿的一大碗官燕，不孤寒不嗇吝，超級足料 ﹗燕窩沒什麼香氣，但杏汁氣味強烈而清爽宜人。係時候將杏汁跟官燕混合，撈埋清甜杏汁，食到無停口，一羮一羮、大啖大啖地不停輸送 ﹗
我由細到大都唔食杏汁但依次例外，亦係我半世人第一次食杏汁。頭幾啖怪怪的，但漸漸食到杏仁既香味，杏汁既幼滑清甜，開始越撈越多，清爽既甜味不嗆不濁又溫柔，最適合我不好甜既食客，好好食。最後全部清晒一滴不漏，係我胃裡面暖笠笠，爽到爆 ﹗
黃金油粿，尾二係甜品，最後仲有果盤，已經好飽喇 ﹗第一次食，新鮮炸起，熱辣辣，口感嚥嚥韌韌似煎堆，外皮炸得香口鬆化，味道甜甜地，食得津津有味，白色既流沙餡料滴晒出黎，濕濕黏黏，有趣又好味。
最後衝刺，果盤、黃金油粿、功夫茶，可以埋單喇唔該，美味又開心既一餐。見隔離檯位女仕見到我地食黃金油粿眼金金地望到實，我就主動請佢食左一件，給了我一個大滿足的表情呢。
功夫茶、咸酸菜
87 瀏覽
0 讚好
0 留言
金牌潮州翅 shark fin soup
66 瀏覽
0 讚好
0 留言
金牌潮州翅 shark fin soup
90 瀏覽
0 讚好
0 留言
金牌潮州翅 shark fin soup
176 瀏覽
0 讚好
0 留言
金牌潮州翅 shark fin soup
47 瀏覽
0 讚好
0 留言
五香滷水鵝片
40 瀏覽
0 讚好
0 留言
清蒸海斑
30 瀏覽
0 讚好
0 留言
方魚炒肉蘭
23 瀏覽
0 讚好
0 留言
欖菜肉碎炒飯
30 瀏覽
0 讚好
0 留言
杏汁燉官燕 braised bird's nest with almond juice
32 瀏覽
0 讚好
0 留言
杏汁燉官燕 braised bird's nest with almond juice
39 瀏覽
0 讚好
0 留言
杏汁燉官燕 braised bird's nest with almond juice
55 瀏覽
0 讚好
0 留言
黃金油粿
88 瀏覽
0 讚好
0 留言
果盤、黃金油粿、功夫茶
56 瀏覽
0 讚好
0 留言
張貼
