Cobber Noodle and Waffle

營業中

休息中

份量偏大，整體都係好好味，性價比高。意粉質感係偏硬、但會比較有咬口，個人喜歡的。明太子醬汁亦都十分夠味，唔膩。反而喺蝦上面有點扣分，這價錢卻用上了冰鮮蝦，雖然俾咗好多隻蝦，但我會寧願俾少幾隻但用新鮮蝦。蜜糖芥末雞翼偏鹹，但好脆，同大大隻都幾抵食。藍莓士多啤梨竹炭糯米窩夫，有幾粒藍莓同士多啤梨伴碟，士多啤梨醬同脆脆之外，都冇藍莓元素。個窩夫脆到偏硬，完全冇糯米嘅煙韌口感，應該係煮過龍，雖然都係好食，但好似同普通窩夫冇分別，有少少失望。雖然有幾個位置扣分，但今次今日以此價錢食到呢啲，仲要唔使好似佢觀塘另一間分店排隊，性價比算高了！我覺得呢間好食過本身觀塘嗰間分店添。