影片
更多
2023-11-07
57 瀏覽
嵐月裝修好雅緻，由第一日airside開幕已經留意到佢了，但因為價錢定位都相對較高，所以留待出糧後先去幫襯😂😂早啲入座可以安排到窗邊位，望返連接mikiki嘅天橋同埋新蒲崗方向嘅夜景都唔錯。店員服務質素比場內大部分餐廳都高，而且人手比例高，加水收碟等等服務都到位。頭盤叫咗北寄貝沙薑漬，口感爽滑醬汁開胃，鍾意墊底嘅萵筍絲，好幼細口感好好～食高級中菜最鍾意就係試試佢叉燒嘅水準，呢度都係用上黑毛豚肉做叉燒，半肥瘦口感嫩滑，尤其頭尾嗰幾舊可以話係入口即化👍🏻👍🏻見好多人都推介呢個桔柚黑鱈魚，味道開胃，外皮夠脆，魚肉實淨但唔鞋，幾高質～呢度蔬菜類菜餚嘅配搭幾新穎，平時食開薑汁芥蘭，呢度另辟蹊徑用黑糖薑母去烹調，多咗少少甜味去中和芥蘭嘅苦澀。食到呢度其實都飽咗大半，唔想食埋成碟carbs所以揀咗個皇帝蟹肉脆米泡飯，脆米真係好脆卜卜，個湯底好濃，蟹肉亦都大大條，仲有其他海鮮都幾足料，同埋分量真心多，足足舀到六碗，飽到呢😂😂😂😂到最後都要嗌返個靚靚甜品打個卡，石獅芝麻糕真係好得意，啲detail位令件芝麻糕食落更有質感，唔係好大件但佢濃郁嘅芝麻香同別緻造型絕對值回票價👍🏻👍🏻
早啲入座可以安排到窗邊位，望返連接mikiki嘅天橋同埋新蒲崗方向嘅夜景都唔錯。店員服務質素比場內大部分餐廳都高，而且人手比例高，加水收碟等等服務都到位。
頭盤叫咗北寄貝沙薑漬，口感爽滑醬汁開胃，鍾意墊底嘅萵筍絲，好幼細口感好好～
食高級中菜最鍾意就係試試佢叉燒嘅水準，呢度都係用上黑毛豚肉做叉燒，半肥瘦口感嫩滑，尤其頭尾嗰幾舊可以話係入口即化👍🏻👍🏻
見好多人都推介呢個桔柚黑鱈魚，味道開胃，外皮夠脆，魚肉實淨但唔鞋，幾高質～
呢度蔬菜類菜餚嘅配搭幾新穎，平時食開薑汁芥蘭，呢度另辟蹊徑用黑糖薑母去烹調，多咗少少甜味去中和芥蘭嘅苦澀。
食到呢度其實都飽咗大半，唔想食埋成碟carbs所以揀咗個皇帝蟹肉脆米泡飯，脆米真係好脆卜卜，個湯底好濃，蟹肉亦都大大條，仲有其他海鮮都幾足料，同埋分量真心多，足足舀到六碗，飽到呢😂😂😂😂
到最後都要嗌返個靚靚甜品打個卡，石獅芝麻糕真係好得意，啲detail位令件芝麻糕食落更有質感，唔係好大件但佢濃郁嘅芝麻香同別緻造型絕對值回票價👍🏻👍🏻
張貼
