影片
更多
2025-03-14
0 瀏覽
睇到道拉麵竟然有負評，真心心諗香港人有幾唔值得擁有呢間拉麵。第一好食嘅野要等係基本邏輯，假如你係唔等得，要快嘅話，你不如去食兩餸飯。個個都話要排隊所以比負評，你地有無再嘔心D。第二人地已經有派籌，派籌時間朋友走開左所以拎唔到籌，你都比負評？等埋你成家落黎先開鋪好無？有無咁無邏輯嘅人啊。無派籌嘅人氣拉麵我試過另一間，結果排前面一個幫三個排，係咪想搞到咁，拎少少做人質素出黎啦，香港人。第三竟然連貴都講得出，你不如去番食杯麵。香港鋪租、人工、靚食材、工夫，有邊一樣道拉麵係唔值呢個價。話唔夠飽嘅人唔該自己去食番兩餸飯。講番正題，經朋友同社交媒體網站介紹，終於食到道之拉麵，揀左平日黎食，大概等左十分鐘就入得就座。我地叫左，雞白湯，醬油湯，小食沙律。因為之前食左東京銀座嘅篝，所以一直想對比一下雞湯嘅極致究竟可以去到邊。上菜時，廚師會詳細講解每項配料以至附上嘅調味粉該怎樣使用。假如篝嘅雞湯係一次過係口到衝出一百隻雞嘅爆炸性，咁道就係一排雞慢慢行出你個口，中途如果加埋佢地配置嘅調味粉，咁再係口到行出黎嘅雞就好似換左衫咁，一次達到多種層次。上枱時湯好有溫度，雞湯熱飲效果倍增，煙燻過嘅雞肉叉燒慢慢滲出回味
第一
好食嘅野要等係基本邏輯，假如你係唔等得，要快嘅話，你不如去食兩餸飯。個個都話要排隊所以比負評，你地有無再嘔心D。
第二
人地已經有派籌，派籌時間朋友走開左所以拎唔到籌，你都比負評？等埋你成家落黎先開鋪好無？有無咁無邏輯嘅人啊。無派籌嘅人氣拉麵我試過另一間，結果排前面一個幫三個排，係咪想搞到咁，拎少少做人質素出黎啦，香港人。
第三
竟然連貴都講得出，你不如去番食杯麵。香港鋪租、人工、靚食材、工夫，有邊一樣道拉麵係唔值呢個價。話唔夠飽嘅人唔該自己去食番兩餸飯。
講番正題，經朋友同社交媒體網站介紹，終於食到道之拉麵，揀左平日黎食，大概等左十分鐘就入得就座。
我地叫左，雞白湯，醬油湯，小食沙律。
因為之前食左東京銀座嘅篝，所以一直想對比一下雞湯嘅極致究竟可以去到邊。
上菜時，廚師會詳細講解每項配料以至附上嘅調味粉該怎樣使用。
假如篝嘅雞湯係一次過係口到衝出一百隻雞嘅爆炸性，咁道就係一排雞慢慢行出你個口，中途如果加埋佢地配置嘅調味粉，咁再係口到行出黎嘅雞就好似換左衫咁，一次達到多種層次。
上枱時湯好有溫度，雞湯熱飲效果倍增，煙燻過嘅雞肉叉燒慢慢滲出回味嘅煙燻味。成碗拉麵，由頭段香氣帶入，中段麵條叉燒配料嘅攻勢，後段加入調味粉嘅直路急灣改變跑道，份量絲毫不差，份量剛好，味道剛好，唔會偏重，食完成碗身體味覺舒服。
呢個就係一餐美食應有嘅模樣
張貼
