影片
更多
2022-07-19
222 瀏覽
嚟到旺角食燒肉，選擇真係唔多，大部份都係任食放題，印象中未嚟過TOP商場搵食，呢一間韓式燒肉，係單點嘅餐廳，單點價錢介乎$200 到$400不等。因為walkin，所以冇咩優惠，今日係平日，晚市有二人餐，入座前職員表示用餐時間有90分鐘，最低消費係三樣單點燒肉。（後來睇返經open rice booking 有85折，強烈建議！）二人餐，大約$800 ，份量都唔少。打頭陣有「和牛刺身卷」，略嫌牛肉調味重咗啲。唔同部位嘅韓牛、雞肉、魷魚。全部牛肉都好腍，只需少少海鹽都好好食，每人兩片。而雞肉醃得好入味，好食！仲有前菜都有四五款，泡菜偏甜，唔辣，仲可以refill。包括芽菜、小棠菜、薯仔絲..芝士粟米二人餐仲有一款主食，飛魚籽牛肉石頭鍋飯，滿滿既飛魚籽，爆哂架呢個石頭鍋飯有飯焦，撈埋啲牛肉粒，半生熟咁好好咬口，再加埋飛魚子嘅鹹鮮，都唔錯！二人套餐仲有一款甜品（當日係竹炭蛋糕），麻麻地寧願佢比杯雪糕，降下溫。餐廳一直都有播住Jazz，雖然職員普遍比較年輕，但係都會留意住客人進食既進度，同收起碗碟，主動問是否需要添加前菜。抽煙同冷機正常，如果開左戶外玻璃趟門，就走哂d 熱氣入嚟，唔舒服。加埋飲
因為walkin，所以冇咩優惠，今日係平日，晚市有二人餐，入座前職員表示用餐時間有90分鐘，最低消費係三樣單點燒肉。（後來睇返經open rice booking 有85折，強烈建議！）
二人餐，大約$800 ，份量都唔少。打頭陣有「和牛刺身卷」，略嫌牛肉調味重咗啲。
唔同部位嘅韓牛、雞肉、魷魚。全部牛肉都好腍，只需少少海鹽都好好食，每人兩片。
而雞肉醃得好入味，好食！仲有前菜都有四五款，泡菜偏甜，唔辣，仲可以refill。包括芽菜、小棠菜、薯仔絲..
芝士粟米
二人餐仲有一款主食，飛魚籽牛肉石頭鍋飯，滿滿既飛魚籽，爆哂架呢個石頭鍋飯有飯焦，撈埋啲牛肉粒，半生熟咁好好咬口，再加埋飛魚子嘅鹹鮮，都唔錯！
二人套餐仲有一款甜品（當日係竹炭蛋糕），麻麻地寧願佢比杯雪糕，降下溫。
餐廳一直都有播住Jazz，雖然職員普遍比較年輕，但係都會留意住客人進食既進度，同收起碗碟，主動問是否需要添加前菜。抽煙同冷機正常，如果開左戶外玻璃趟門，就走哂d 熱氣入嚟，唔舒服。
加埋飲品連加一，今餐大約$900，係旺中隔離TOP 商場，認為定價略嫌過高，有85折就抵食得多。😮💨呢個價錢喺海港城，連鎖店牛角都食到，或者Food story 幸。
張貼
