Picnic Casual Eatery (已結業)

呢間餐廳位於將軍澳海邊，平日一啲都唔多人，行過去感覺好舒服，好好feel，餐廳以藍白色為主，有少少異國風情。今次叫咗個自選拼盤，餐牌列明三款精選配菜，問左老闆娘，唔係太溝通到，最後揀咗鷹嘴豆泥、乳酪同埋紅蘿蔔沙律醬。個鷹嘴豆泥超超超好味，個味道好特別，一D豆味都重，而且好細滑，上面再有D油，簡直食到舔舔脷👍🏻 乳酪嗰個就正正常常，上面亦有少少油，都好味嘅。而個紅蘿蔔沙律，反而有少少驚喜，因為我本身唔容易食紅蘿蔔，但係冇得揀之下唯有試吓，又幾好食喎👍🏻👍🏻真係唔錯！另外叫咗雞翼，味道比較濃味，又有醬料俾你點，但其實唔需要醬料已經好夠味道，好食！又叫左個 green power, 個顏色同我想像中有啲出入，我以為黃色，原來佢係綠色，有啲青菜汁嘅感覺，冇加冰，所以有少少攪笑，但味道幾好，易入口嘅！老闆同老闆娘都好nice, 好welcome! 餐廳門口位好有外國feel，打卡一流！