神山麺屋 (創紀之城五期(apm))

營業中

休息中

收工攰攰哋想搵間餐廳坐低一個人慢慢食吓嘢。由裕民坊行到apm都未諗到想食咩，突然醒起好似好耐無食拉麵。即刻走去神山，好好彩唔駛等位～帶位嘅姨姨好好服務👍🏻睇完menu決定食新嘅猿侍拉麵～$138再加一，跟餐包嘢飲仲有小食。小食可以揀武藏餃子或者武藏炸雞。我就揀咗餃子😋一嚟上咗武藏餃子先，無咩驚喜，頗為普通嘅餃子一碟⋯跟住到跟餐嘢飲𥌓光，其實係醬油果凍柑橘特飲。帶位姨姨再次發揮好服務，教我要攪勻個底嘅果凍飲會好味啲。飲落口柑橘味微酸幾好飲，不過個果凍就唔覺有醬油味，可能俾柑橘味掩蓋咗。重頭戲猿侍拉麵嚟啦一上枱好色彩繽紛好靚。學吓日本人食法，第一啖飲咗湯底先。哇！好有驚喜呀😆蝦油發揮咗佢嘅功效，勁香蝦味！仲有成堆櫻花蝦，真係食到成口蝦味😋麵底保持到神山一貫水準彈牙好味。個慢煮伊利比亞豬好淋，我諗連老人家都食到🤣再嚟隻紅酒漬溏心蛋，無咩紅酒味但夠晒流心～不過湯底真係比較濃郁，食到尾有少許咸。建議唔好飲太多個湯。