影片
更多
2022-12-19
33 瀏覽
友人生日，當然要約間好餐廳慶祝一下☺️友人喜愛日本菜，揀左呢間係天后既鐵板燒，可以望到維港海景，非常舒服，而且價錢都唔貴。今次食左$1288既鐵板燒set，好食的，值得推薦👍✨季節前菜 白子加上果醋啫喱，白子質感好似豆腐平時食開的會加酸汁，但呢度用上啫喱，比較新奇✨自家製北海道鮟鱇魚肝鮟鱇魚肝醬非常順滑，比鵝肝醬更香配上烘烤到香脆既多士，食完想再encore✨壽司深海池魚 • 魚肉好滑好似啫喱右口魚鮫鰈 • 比較有咬口鱈魚BB • 比大toro更肥美，燒過魚油出曬黎，感覺魚油係口浪下浪下好滿足✨刺身友人點選壽司，一共有三款，油甘魚、大toro、金華鯖，又係新鮮厚肉✨令和之怪物來自岩手縣既生蠔，以巨大聞名，今次呢個係中size，但已經覺得好大隻😂師父加咗柚子皮同橘子醬，帶出生蠔鮮味，肉質爽口，蠔味海水味唔重，所以好甜✨鮮淮山魚湯魚味好濃好香，但唔會覺得腥鐵板燒部分，師父先將所有食材比我地睇下，見到等陣咁多嘢食真係好期待！✨宮城縣帶子刺身帶子煎到半生熟，加上自家醃製三文魚子，鹹鮮十足✨紐西蘭海螯蝦第一次食呢種蝦，超級鮮甜！✨ 澳洲 M9 牛舌呢種牛舌好爽脆又香牛味，係口入面彈下彈下✨法國鵝肝
友人生日，當然要約間好餐廳慶祝一下☺️友人喜愛日本菜，揀左呢間係天后既鐵板燒，可以望到維港海景，非常舒服，而且價錢都唔貴。今次食左$1288既鐵板燒set，好食的，值得推薦👍
✨季節前菜
白子加上果醋啫喱，白子質感好似豆腐
平時食開的會加酸汁，但呢度用上啫喱，比較新奇
✨自家製北海道鮟鱇魚肝
鮟鱇魚肝醬非常順滑，比鵝肝醬更香
配上烘烤到香脆既多士，食完想再encore
✨壽司
深海池魚 • 魚肉好滑好似啫喱
右口魚鮫鰈 • 比較有咬口
鱈魚BB • 比大toro更肥美，燒過魚油出曬黎，感覺魚油係口浪下浪下好滿足
✨刺身
友人點選壽司，一共有三款，油甘魚、大toro、金華鯖，又係新鮮厚肉
✨令和之怪物
來自岩手縣既生蠔，以巨大聞名，今次呢個係中size，但已經覺得好大隻😂師父加咗柚子皮同橘子醬，帶出生蠔鮮味，肉質爽口，蠔味海水味唔重，所以好甜
✨鮮淮山魚湯
魚味好濃好香，但唔會覺得腥
鐵板燒部分，師父先將所有食材比我地睇下，見到等陣咁多嘢食真係好期待！
✨宮城縣帶子
刺身帶子煎到半生熟，加上自家醃製三文魚子，鹹鮮十足
✨紐西蘭海螯蝦
第一次食呢種蝦，超級鮮甜！
✨ 澳洲 M9 牛舌
呢種牛舌好爽脆又香牛味，係口入面彈下彈下
✨法國鵝肝
法國鵝肝不嬲都好肥美既，加上餐廳自家製藍莓醬中和油膩，唔錯呀
✨澳洲和牛
厚燒可以食到牛肉既口感同肉汁
薄燒入面包住蒜同蔥，可以食到豐富口感
✨ 黑松露蟹肉炒飯
好香黑松露味，炒飯粒粒分明，勁香口
✨ 炒什菜
什菜加上日本秘制醬，好濃郁
✨抹茶布丁
好滑好香濃抹茶味
呢餐食到超級飽，其實到炒飯環節已經開始食唔落😂😂好滿足咯
張貼
