影片
更多
2019-04-16
214 瀏覽
唔駛外出開會留響辦公室的話，通常午餐食咩都係跟大圍，啲同事諗到食咩就跟住去食咩唔駛諗。上星期五同事居然提議去食拉麵，個心即刻沉一沉……因為響香港食親拉麵，尤其係有個王字嗰間，三次係會有兩次肚痛 (極有可能係太油嘅關係。)懷住忐忑嘅心情，響門口等左約五至十分鐘，就有張大枱坐哂我地咁多人。間店唔大，有幾個吧枱位同有兩張普通枱(無記錯)，普通枱坐到六至七個人，我見其他人好似都係搭枱多。響門口等嘅時候，已經揀定食個睇起黎最唔肥最普通嘅「熊拉麵」，仲要揀瘦叉燒同走香油，其他同事都係點「熊拉麵」、「巨熊拉麵」或者「魚介拉麵」。等左幾分鐘就有上菜。熊拉麵 ($85) 其實我懷疑油嘅罪魁禍首係啲湯 (尤其係豬骨湯底，醬油湯底都無咁油)，雖然話食拉麵唔飲湯不如唔好食，但安全起見都只敢淺嚐一下，點到即止。哩個豬骨湯底好好飲喎，厚身，非常香濃，但又唔會成個湯表面都係油，食到最後都無油到凝固咗。(所以最後都忍唔住飲多左兩羹) 。揀左軟身麵，都合乎期望。另外仲有一整隻糖心蛋，雖然唔係相片咁切開一半，不過原隻都好，起嗎唔會流哂啲蛋黃入湯，無哂蛋黄味。佢響枱上亦有任夾(但除左因為之前啲客食哂，所以refill左一次
懷住忐忑嘅心情，響門口等左約五至十分鐘，就有張大枱坐哂我地咁多人。間店唔大，有幾個吧枱位同有兩張普通枱(無記錯)，普通枱坐到六至七個人，我見其他人好似都係搭枱多。
響門口等嘅時候，已經揀定食個睇起黎最唔肥最普通嘅「熊拉麵」，仲要揀瘦叉燒同走香油，其他同事都係點「熊拉麵」、「巨熊拉麵」或者「魚介拉麵」。等左幾分鐘就有上菜。熊拉麵 ($85) 其實我懷疑油嘅罪魁禍首係啲湯 (尤其係豬骨湯底，醬油湯底都無咁油)，雖然話食拉麵唔飲湯不如唔好食，但安全起見都只敢淺嚐一下，點到即止。哩個豬骨湯底好好飲喎，厚身，非常香濃，但又唔會成個湯表面都係油，食到最後都無油到凝固咗。(所以最後都忍唔住飲多左兩羹) 。揀左軟身麵，都合乎期望。
另外仲有一整隻糖心蛋，雖然唔係相片咁切開一半，不過原隻都好，起嗎唔會流哂啲蛋黃入湯，無哂蛋黄味。
佢響枱上亦有任夾(但除左因為之前啲客食哂，所以refill左一次比我地之外，就唔見佢再refill)嘅辣芽菜，辣得幾好食。
至於服務方面，收銀哥哥係好嘅，額外要求如refill 辣芽菜，分單比錢 (無加一)等都無問題，反應快；另一位妹妹就可能要加多訓練啦。
張貼
