熊拉麵 (蘇杭街)

位於上環蘇杭街的「熊拉麵」，午市時段人流不斷，即使平日中午仍需等候約15分鐘方能入座，可見店舖人氣相當高。今次點選了「超級黑熊拉麵」（$142），配上火炙肥叉燒。叉燒選用肥瘦相間的部位，經火炙後散發出焦香氣息，油脂與肉質比例理想，入口嫩滑而不膩。湯底以黑蒜油結合豬骨熬製，味道濃厚而層次分明，既有豬骨的深厚醇香，又帶黑蒜的獨特香氣，平衡感出色，令人胃口大開。麵條吸湯力佳，拌合濃湯後相當順口。全部麵食用完畢，再加白飯放入湯底中享用，令這份餐點有了完美收尾，整體體驗完整而滿足。整體而言，「熊拉麵」在湯底濃郁度、叉燒製作品質及整體味覺層次上表現突出，難怪成為午市高峰…查看更多

路過諗唔到其他餐廳可以食嘅拉麵店叫左招牌同期間限定招牌整體嚟講都正正常常 唯一嘅就係隻蛋太熟😢蝦味重汁濃郁 但凍嘅汁有啲奇怪😂拉麵店嘅話中環同上環有更加好嘅選擇相對嚟講，呢間CP值都比較高…查看更多

上環返工真係唔可以OT , 唔係會餓死！一過8:30 就全部餐廳唔係收曬，就係已經last order!呢間可以話係僅餘嘅餐廳🍴8:40踏入門口就已經同我講9:00 last order , 9:20 要離開好啦，點咗兩碗拉麵一份餃子兩罐可樂 ，就已經超過300蚊！諗住食招牌熊一定冇死啦！點不知…..都未放入口個員工就已經同我講啲湯可以免費+1次，即刻試吓個湯底有幾勁要追加，其實除咗杰啲之外，又唔覺得有咩咁特別，不過就真係食食吓會唔見晒啲湯，於是就諗住叫加湯，我諗嗰陣時應該9:03左右，竟然手腳快到連湯底都倒晒！好嘢👍🏻其實呢碗$140嘅熊拉麵，除咗好多鞋嘅肉之外⋯真係唔知點形容😩，餃子雖然好大嚿，但係非常多油，食完個拉麵再食埋個餃子🥟，即刻覺得又肥又濟！ 另外叫咗一碗赤拉麵，除咗辣之外食唔到其他味，不過舊肥叉燒都算燒得唔錯！呢間拉麵我最欣賞嘅就係枱上面免費供應嘅牙菜同埋醃菜！ 好味👍🏻最犀利嘅就係呢度嘅服務態度，啲客仲坐喺度食緊嘢，竟然可以將張凳反轉放喺個客面前！趕收工都唔使咁嘅，趕客:(！…查看更多

係網上睇到一張廣島蠔拉麵的相片，心動想試試肥美的蠔和拉麵這個組合，放工後特別搭車去試。地鐵站步行幾分鐘就到了，一看門口，有幾組客人在等。等了二十分鐘終於到了，一人的顧客都是坐吧台的，看到廚房的座位令人更期待拉麵！蠔拉麵要等十分鐘左右，拉麵上後，急不及待試下個湯，鮮美濃郁！再加上蔥花試第二口，更豐富了，最後試了三口湯才吃蠔和拉麵。蠔的確肥美，但冰鮮蠔始終有一點腥氣，和著拉麵及肉一起吃，滋味較好。印象最深是，吃完整碗拉麵後，個湯仲冒著煙，忍不住再飲幾啖湯先結帳離開。PS 廣島蠔拉麵是期間限定！…查看更多

餐廳係模擬番日本嘅拉麵嘅簡約設計店，拉麵款式都唔少～點餐紙可以跟番自己喜好選擇❗️有瘦叉Cell肥叉燒同叉燒粒揀～面嘅粗幼同硬度都可以選擇🫶🏻現而家仲有期間限定嘅廣島蠔拉麵—————————————-** 廣島蠔豚骨湯拉麵（4隻蠔）$126加多$10就可以叫多兩隻廣島蠔❗️當然係唔可以唔加～本身以為佢會搭配返蠔嘅湯底，但原來都係用豚骨湯底～呢款湯底唔算好濃，都幾啱我嘅口味～廣島蠔就當然係肥美啦❗️我今次揀咗灼燒肥叉燒～食落有少少煙熏味，叉燒都肥瘦分明🥰**元祖魚介熊拉麵 $97呢個湯底就濃味好多❗️適合鍾意濃味湯底嘅人～雖然我個人比較鍾意廣島蠔嘅豚骨湯～拉麵嘅叉燒會有多幾塊，今次揀咗瘦叉燒，佢唔係嗰種入口即溶嘅叉燒，我個人會比較鍾意肥叉燒🥰佢哋嘅面嘅粗幼都有得選擇，我今次試晒兩款麵，因為粗麵比較硬身，食到後面會浸到好腍😢所以比較推薦粗麵❗️…查看更多

咁啱去開上環，但好幾間舖頭都無開，原本有一間想食但無位，結果唔覺意黎左依間拉麵。其實唔肯定依間拉麵係日本黎定係香港嘅拉麵，不過見佢個廣島蠔豚骨湯拉麵好似幾吸引，就入去試下。入到去點餐發現原來仲有得揀梅頭瘦叉燒 火炙肥叉燒 或者 角切叉燒粒。廣島蠔味道不錯，拉麵同梅頭瘦叉燒就正常，無話好特別。魚介熊拉麵，湯底比我想像中濃，唔係清魚湯果d，反而角切叉燒粒好特別，雖然唔似係日本拉麵會見到嘅嘢，但啖啖肉好滿足。最後係熊自家製餃子，無比較無傷害，啱啱早前食左大阪拉麵店餃子，雖然唔係話唔好食，但就係被比下去。…查看更多

雖然唔知依家仲有冇呢碗拉麵，但係因為太深刻，所以睇返相簿嘅時候真係值得過嚟寫返個食評。真係好少拉麵店，唔會用廣島蠔去做，係好有特色嘅感覺。唔會好腥，整體係做得好出色好完整。湯底好濃郁，講真已經食咗好多次熊拉麵，目測都一定唔會炒車，但係冇諗過呢個廣島豪拉麵係做得咁出色！整體body係重身嘅，好濃郁嘅蠔味嘅湯底，每一隻蠔都好肥美，呢間拉麵店水準一如既往，只要我想食拉麵通常都會諗起呢間餐廳，超正超正！！…查看更多

大家冇睇👀錯條題，我亦冇表達錯。話說，我係响d拉麵關注群組睇返來，知道佢都係做博多風拉麵🍜因為我個女好鍾意食豬骨湯拉麵，所以即使响上環咁遠我都襯weekend帶個女來拍住拖一戰。《招牌熊🧸拉麵🍜》未講碗麵本身，先講講點解我會認為佢用心經營。我留意到呢間店，有別於一般博多風拉麵點，佢會比顧客自由選擇麵嘅粗度，同埋叉燒嘅種類，如下圖。而且，唔單止比你揀咁簡單，仲圖文並茂咁提供資訊，你想知又好，唔想知都好，我認為知多d，點都係醒d。再加上，佢有芽菜同高菜比你無限添加，有得揀，先至係老闆，咁啱兩款蔬菜我都係鍾意食，呢下未食碗麵，個印象分先加左。香味 (1/5) - 碗麵一到，睇個相頭，同我一聞落去，我其實心中有數，知道呢碗嘅大概去到咩級數。香味真係欠奉，而且個豬骨湯，百份之二百係業務用嘅現成野，所以就算齋聞個湯，都覺得佢個豬骨味假假地，唔係自己用新鮮豬骨淆嘅骨湯。湯 (2/5) - 同上，業務用嘅現成湯，去到我口中，我好難比得落一個正常嘅分數。不過咁，我本身認為，現成野同好唔好味，都頗係兩回事，而呢個湯個味道其實都幾好味（似杯麵d湯），而且熱度，濃度，䶢度都夠好。我認為 2 分算持平。湯上面有加左佢話係秘製醬嘅醬料，不過講真，食落，佢近乎係冇存在感，我食第二啖起計，我已經忘記左佢，直到睇返相先記起返佢。麵條 (3/5) - 我選擇左要細麵，同硬麵，咁佢呈現出來嘅效果都屬於正常水準。麵味，口感，色澤，型態，乜野都係正正常常。配料 (2.5/5) - 豬叉燒，非常一般。肉質偏硬，肉味普通。我係揀左佢最瘦嘅叉燒選項：梅頭瘦叉燒，我估佢用左豬里脊，但冇處理好。肉瘦同肉韌，都可以係兩回事，我食過好多店 d 叉燒，既瘦，又嫩，又甘香，呢道完全係唔得。溏心蛋就真係可以一讚。雖然佢唔係調味調到好入味嗰種，但個蛋無論係質感，蛋香，生熟度，我認為都係一流。同埋呢，我見到個廚，有刻意放一放個蛋落去熱水道稍為加熱先，令到個蛋入口仲係熱熱地，但流心效果還在，呢個心機我係有放在眼內。木耳絲，就正正常常啦。因為個湯係現成味道，層次係薄弱，我食左一半之後，加左都頗多高菜落去個麵道，出奇地又幾夾，味道層次 up 左一級。另外，講一講餃子🥟。餃子就真係有數圍，都幾好食。有別於一般日式餃子，佢比較大隻同足料，價錢都算合理，我認為係值得試嘅。整體 - 不推薦。不過，基於間店比到我嘅感覺係，有响其他範疇用心經營，職員都好有禮貌，所以一試係無妨，但大前提係你唔抗拒比一舊水食個杯麵級數嘅湯。…查看更多

呢間拉麵都好有人氣，無論嚟食lunch 定食dinner都要排吓隊。有時唔太肚餓，就會嚟排吓，成碗拉麵就夠飽。叫咗個招牌熊拉麵，配火炙肥叉燒同幼麵。佢嘅豬骨湯底係好濃厚，但就算食哂成碗麵都唔會覺得好滯。火炙肥叉燒夠香燒焦味，雖然係肥叉燒但又唔會成舊肥膏。其實嚟呢度最主要係為咗佢個芽菜嚟，辣辣哋好開胃，最正係放喺枱度俾你無限加，會成日不知不覺夾哂食兜芽菜，要佢再refill🤭芽菜加埋落啲麵度會多咗個口感，食吓食吓就好快食完碗麵。…查看更多

今日已經係第二次去食。一入門口就聞到燒肉味，因為佢哋會燒肉另外冇試過佢嗰個餃子，下次可以試試流心蛋非常之好食。推介。你咬入去佢個流心係橙色，最好就係佢哋冇切開。至於面嘅份量嘅份量係唔會好飽嘅，但又唔會覺得好肚餓。如果真係唔夠食，可以加份量。兩次都會飲埋個湯，因為真係有好香嘅豬骨味。個湯嘅質地可以掛喺個面上面。另外一提個店員都好好比一個籃我裝住個手袋同書包。所以我真心覺得佢哋服務是不錯。我見有啲評語話佢哋服務麻麻。其實真係唔係。…查看更多

這一間味道算ok既，前前後後來左幾次。但係今日哩件事之後我唔會再來幫襯。哩間鋪頭既員工真係死腦筋，唔識轉。今日我地來食午餐堂食，五個人唔可以做一張大桌四人位，老闆話甘樣坐危險，我唔明有咩危險，三個人坐一排，兩個人坐一排就得啦。根據我地就分開坐，兩個人坐係另一張台，甘我坐係果個走道就唔危險嗎？路過員工端的湯汁撒到我身上點訓？最後我換位置到吧檯，係五個人坐既size，但係員工又來話讓我往另一邊坐。我明明係跟住個number坐既，點解又要我挪。…查看更多

拉麵OK服務一般喺上環附近一個人食lunch見呢間熊拉麵都有啲人排隊，抱住一試無妨嘅心態試一試叫咗個熊招牌拉麵佢係豬骨湯底，湯頭非常濃郁，係傳統日式拉麵豬嘅豬骨湯底，值得一讚面底方面，餐廳係選用幼面，軟硬度適中，亦都值得一讚但係火炙肥叉燒就略嫌唔夠入味，亦都係得一塊，份量唔算太足夠佢亦都有雪菜同辣芽菜，作為配菜可以自行加入整體嚟講食物都尚算OK 但係服務方面就真係差少少，店員感覺上唔算太有善，食完碗拉麵唔夠1分鐘，店員就已經好匆忙咁要收走我碗麵，好似好趕時間咁所以用餐體驗一般。(我食完已經係兩點後，有其他空位，出面無人排隊)…查看更多

上環打工仔食飯既選擇絕對唔算少, 不過我地個個隔一排一定會黎食下先滿足。而家雖然已經唔再係呢區返工，但間唔時黎開中上環又諗唔到食咩就一定會諗起佢。地方同其他拉麵館差不多， 都係較窄，不過佢地有個位放外套，枱下有勾掛袋，我覺得已經算係好好，可以輕輕鬆鬆食餐飯。職員態度亦好好，個個都主動及笑容滿面。麵既款式唔算多，不過每次唔同既期間限定食過幾次都有驚喜，唔岩心水既就可以叫返正常款式：招牌、黑熊、赤熊、魚介熊，本人認為每個都各有好食同特式。但自己食拉麵就鐘意重口味， 所以今次都係會點黑熊拉麵 – 黑蒜油，仲要配火炙肥叉燒先最岩我心意！麵底份量適中，湯底夠濃&杰身，口感好豐富，再加埋燒得岩岩好既叉燒食落有少少脆同油份，真係好好食！！！而店入面既配菜有薑、酸菜、芽菜，我就一定食芽菜，夠辣好開胃， 食完個麵再食多啖芽菜收尾係最滿足。佐敦同上環兩間都食過，我都覺得好好食。希望佢地Keep住做Keep住呢個水準，我一定再支持。…查看更多

熊拉麵🍜好鍾意呢一間拉麵店裝修方面已經好有日本地道感覺仲要個拉麵真係好好食有提供冰水呢part已經好日本佢地啲配料仲要好食特別係個辣芽菜 配埋拉麵食好爽脆 仲要辣辣地好開胃 黑熊拉麵🍜見到個湯底就知好香濃濃濃嘅豚骨湯底加埋黑蒜油同炸蒜個湯底真係無得輸叉燒竟然有三款選擇咁多今次我揀左火炙肥叉燒其實佢嘅瘦叉燒同埋半肥瘦都好食但係我抗拒唔到邪惡的火炙肥叉燒表面焦香味再加埋肥美嘅肉香係口腔大爆發真係好好食 得一塊邊度夠㗎！！！…查看更多

拉麵越開越多但係講到最愛最啱自己心水，就係呢間熊拉麵一諗起拉麵就會諗起佢食完每次隔一排又會好想再食每次都一定會叫佢嘅魚介熊拉麵仲有不得不提佢嘅辣芽菜一定一定一定要食每次食佢嘅糖心蛋都一定唔會撻Q 湯底係屬於濃厚嘅唔係清湯底而且每次都一定會飲晒佢果湯…查看更多