四川重口味

營業中

休息中

最中意就係食辣既菜式，無論係四川菜同湖南菜都好喜歡食，見到依間既食評好似唔錯，就襯行開依頭嚟試下係咪咁好食今次叫左黃金皮蛋，蒜泥白肉，水煮魚，熗椒炒土豆絲同埋椒醬炒牛心頂，全部都要中辣。首先到既係黃金皮蛋，皮蛋上舖滿蒜辣椒既醬汁，不算太辣太麻，食完幾開胃。蒜泥白肉上面鋪上大量蒜泥，白肉不太肥，肥瘦得宜，加上少少辣好惹味。燴椒炒土豆絲，土豆絲口感爽脆，入口微辣因為有少許花椒及乾辣椒，送啤酒一流。水煮魚選擇左用大魚，魚肉入口鮮嫩，水煮夠辣惹味，底下有芽菜薯粉索味，食落勁刺激又麻又辣，非常過隱。椒醬炒牛心頂，牛心頂即係黄喉，黄喉口感爽脆，炒得好夠鑊氣又夠香，又係送酒既不二之選。