影片
更多
2023-05-31
213 瀏覽
2023年5月17日 星期三今晚收工之後專登同老婆二人世界食好西，去左灣仔軒尼詩道既一座大廈裏面食晚餐一上到餐廳就覺得餐廳裝修幾時尚，用左木色為主色，位置唔算太多，感覺唔侷促，仲有窗邊位可以睇到出面嘅風景餐牌上面好多菜式都未見過，幸好有店員幫忙介紹同推薦，知道餐廳嘅主打菜式係自家製熟成牛肉，所以叫左個prime stirploin同幾個前菜，最後再要咗個餐廳招牌甜品Tiramisu等咗大約十幾分鐘左右，第一道菜就黎到，係black pepper crab tartare，最下面嘅係蟹肉撈咗牛油果，上面嘅係黑胡椒脆片，加咗橄欖油，至於側邊嘅係煙燻咗嘅醬汁，食落去味道好夾，牛油果帶出咗蟹肉嘅鮮味，夠晒清新，而且上面嘅黑胡椒脆片有少少辣，越食越開胃之後有dry aged beef tartare，係Dry aged左嘅牛肉他他配鵪鶉蛋，可以加埋麵包脆片一齊食，而側邊嘅係dry aged嘅牛油渣，麵包脆片就咁食已經好好味，脆口唔油膩，配埋撈勻左鵪鶉蛋既牛肉他他一齊食，味道更加豐富，牛肉味好突出，口感好幼滑呢個係14 days dry aged “Omaha” beef tongue，除咗牛心之
今晚收工之後專登同老婆二人世界食好西，去左灣仔軒尼詩道既一座大廈裏面食晚餐
一上到餐廳就覺得餐廳裝修幾時尚，用左木色為主色，位置唔算太多，感覺唔侷促，仲有窗邊位可以睇到出面嘅風景
餐牌上面好多菜式都未見過，幸好有店員幫忙介紹同推薦，知道餐廳嘅主打菜式係自家製熟成牛肉，所以叫左個prime stirploin同幾個前菜，最後再要咗個餐廳招牌甜品Tiramisu
等咗大約十幾分鐘左右，第一道菜就黎到，係black pepper crab tartare，最下面嘅係蟹肉撈咗牛油果，上面嘅係黑胡椒脆片，加咗橄欖油，至於側邊嘅係煙燻咗嘅醬汁，食落去味道好夾，牛油果帶出咗蟹肉嘅鮮味，夠晒清新，而且上面嘅黑胡椒脆片有少少辣，越食越開胃
之後有dry aged beef tartare，係Dry aged左嘅牛肉他他配鵪鶉蛋，可以加埋麵包脆片一齊食，而側邊嘅係dry aged嘅牛油渣，麵包脆片就咁食已經好好味，脆口唔油膩，配埋撈勻左鵪鶉蛋既牛肉他他一齊食，味道更加豐富，牛肉味好突出，口感好幼滑
呢個係14 days dry aged “Omaha” beef tongue，除咗牛心之外，仲有醃蘿蔔、蘆筍同千層薯仔，而醬汁就係紅酒醃過嘅牛肉汁，無諗過牛心會咁腍，一切就切得開，而且好重牛肉味，同紅酒醬汁好夾
再黎有主角30 days Dry aged 'Cedar River' Prime Stirploin，呢個西冷既邊位燒得比較脆口同埋食落去竟然會有濃郁既芝士味，生熟度岩岩好，完全唔韌，而且配菜有西蘭花同埋有啲加左芝士燒過既西芹頭，西芹頭十分容易入口，連一向唔鍾意西芹既我都食得好滋味
最後甜品有Tiramisu，配以自家製朱古力同蜜糖焦糖脆脆，通常整Tiramisu會放餅底喺底，但係呢一個竟然喺裏面，食落反而更特別，每啖都食到餅底碎
最後埋單雖然每位大約九百幾蚊，但都總算物有所值！！
張貼
