九龍香格里拉大酒店大堂酒廊

營業中

休息中

首先要讚賞嘅係，九龍香格里拉酒店嘅侍應服務態度好好，好樂意幫我同朋友影相，但係呢間酒店嘅蛋糕完全唔合格。全部蛋糕都係好甜，出面一大層慕絲包住入面一嚿蛋糕，印象中全部口味都好難食。有一個係用煙三文魚做餡嘅，都幾好味鹹點就正正常常，鬆餅一般，又唔可以話佢係難食嘅，入口就都尚算鬆軟，但點都冇文華東方嗰啲咁好食。最底一層係水果，西瓜、菠蘿、士多啤梨嗰啲每樣一嚿，顏色10分鮮艷奪目，係成個下午茶最吸睛嘅一樣嘢。整體來講，蛋糕唔好食，服務好，如果唔介意啲嘢唔好食，又想同朋友傾吓計靜下，可以過嚟呢度買杯嘢飲或者單點嘢食，唔好試呢個下午茶。價錢都幾平，平均每個人200啦，仲送Sabon沖涼液同埋護膚露嘅旅行裝。