影片
港鐵尖沙咀/尖東站 P1 出口
繼續閱讀
電話號碼
27338740
開飯介紹
逢星期一至日及公眾假期15:00-18:00呈獻經典下午茶套餐。大堂酒廊位處樓高兩層的酒店大堂中央，環境典雅且坐擁迷人的維港美景。賓客可一邊欣賞現場音樂演奏，同時與商務夥伴相聚或品嚐香茗、小吃或雞尾酒。
繼續閱讀
特色
浪漫情調
同客食飯
慶祝紀念日
營業時間
今日營業
08:00 - 00:00
星期一至日
08:00 - 00:00
以上資料只供參考, 請與餐廳確認詳情
有關獎賞計劃
相關文章
香港其中一間著名的五星級酒店—九龍香格里拉大酒店，鄰近尖東站，位於大堂酒廊的餐廳，於晚市時段推出全新的甜品及糖水餐牌，價錢定位親民且大眾化，性價比相當之高。酒廊環境寬敞舒適，採用高貴優雅的歐陸式裝潢，有耀目的水晶吊燈，又有意大利雲石鋪切的華麗噴泉，窗邊更能飽覽維港美景。龍蝦鉗腸粉伴龍蝦汁 - $106兩隻肥美飽滿的龍蝦鉗結實又彈牙，充滿特有的鮮甜味；一條條腸粉柔嫩有彈性，掛滿濃稠的龍蝦汁好惹味。避風塘黑松露醬雞翼 - $88即叫即炸的雞鎚毫不油膩，嫩滑多汁不乾柴，散發著濃厚的黑松露飄香，香而不辛。芒果班戟 - $38又薄又柔軟的班戟，包裹著厚切的鮮芒果香甜又多汁，又有幼滑細膩的忌廉，有食用花及金萡點綴好高貴。原個椰皇桃膠燉蛋白 - $88燉蛋白質感極嫩滑，椰皇清香與蛋白香兼備，桃膠煙韌富彈性，清甜滋潤又健康。生磨蛋白杏仁茶湯圓 - $78幼滑細膩的杏仁茶帶有獨特的淡雅堅果香氣，有少少滑溜的蛋白絲，又有兩粒肥美飽滿的湯圓，煙煙韌韌不黏牙，咬開有濃郁的黑芝麻流出。鮮土茯苓膏 - $68傳統廣東美食之一，既能滋陰亦能祛毒，黑漆漆的土茯苓膏爽滑富彈性，濃稠的蜜糖正好平衡苦澀。
繼續閱讀
好食到第二日又再去食，真係太出色！！！！九龍香格里拉嘅糖水，完全係糖水界天花板，每晚六點半後供應，位於酒店大堂，鄰近尖東海旁，望住180度維港景，餐廳佈置突顯酒店格調，仲有現場鋼琴同小提琴表演，成個體驗絕對對得住個價錢﹐糖水更加係酒店級數好出色！—— 薑汁撞奶 $68 本店銷量No.1！近乎每枱必叫！貴為薑汁撞奶忠實fans，去邊到見到都會叫😂食完依個絕對係我嘅香港第一‼️上枱有齊薑汁、煮熱咗嘅牛奶同漏斗，一set十分精緻。Server會喺客人面前即時撞奶落去薑汁，仲話唔凝固可以換，等大約三分鐘就可以開蓋。凝固嘅程度簡直係完美！！！！匙羹啱啱好可以被承托住，差1mm都會沉落去，可想而之個質地係咁滑，一食入口即化，奶味好香再散發薑汁微辣，甜度調教得剛好，好食到第二日為咗佢再去食🤣—— 擂沙湯圓 $58必點！芝麻餡夠哂濃郁，最驚嘆係個湯圓皮超級無敵咁軟熟！！咬幾吓就同入面嘅餡融合一齊，花生粉灑咗大量俾表面，好食到自己一個都可以食哂三粒！！—— 30年陳皮紅豆沙 $78煮到起沙夠濃稠，但30年陳皮就真係冇feel到同一般嘅分別，同最大需要改善係唔夠熱，見到隔離枱叫咗都反映要加熱翻—— 桂花杞子花 $80 桂花加咗杞子，令味道多咗層次，甘甜中帶有一絲清新，口感細緻。每啖都感受到桂花的芬芳同杞子嘅甘甜—— 玫瑰花茶 $80 依款茶完全打破咗我對玫瑰飲品濃郁嘅印象，反而係清香自然，帶有淡淡嘅玫瑰味，好飲！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 九龍香格里拉酒店大堂酒廊 (尖沙咀)麼地道64號九龍香格里拉大酒店大堂🔎分類搜尋：#FTHK_尖沙咀 #FTHK_甜品
繼續閱讀
上月有朋友介紹香格里拉的酒店大堂有中式糖水吃，而且相當受歡迎。今天我們一行四人先在「Tapas Bar」 happy hour吃喝一番，剛剛摸完酒杯底現在是食糖水的時候了，醒目的我一早已經預訂了位置，不用等候就已可入座了。我們四人霸佔了一張足夠六至八人的大枱，看了一下餐牌，很快就鎖定我們想吃的種類和下單，糖水等了一會就送上，每份糖水都有一個獨立圓盤承載着，感覺特別有儀式感。~ 兩位朋友選了: 合桃露湯圓 ($78)看見盛載糖水的碗相當西化，而且很大一碗；~ 一位女士選了: 百合蓮子芋圓南瓜露($78)~ 我則選擇了喜愛的: 原個椰皇桃膠燉蛋白($88)我的原個椰皇桃膠燉蛋白就較為細小，相對遜色，而且入口口感也只是暖和，奉勸如果朋友們打算在這裏吃中式糖水，個人不建議選擇椰皇。最好吃的椰皇當然是在荃灣鱟地坊的Sweetheart啦🥰！~ 兩份: 雷沙湯丸($58/份)雷沙湯丸不過不失啦。畢竟這裏的出品始終不及專門的中式糖水店的美味，在酒店吃中式糖水反而是一個噱頭，除了喝咖啡、茶和雞尾酒以外，改吃中式糖水和甜品，也是另一種感受；餐牌還有港式腸粉、四川麻辣墨魚丸，長洲魚蛋和雞翼等給客人多種選擇，真是不錯的做法。而且在這樣舒適的環境下享受中式糖水相當新穎，因為在街上的中式甜品或其他甜品店，不單止座位擠迫，或只是坐圓形摺凳，基本上吃完就要馬上離開，因為外面太多人在大排長龍等候入座，而在這裏吃甜品就可以慢慢嘆，完全沒有時間限制，還有鋼琴🎹伴奏🎶🎶，真是值回票價👍。我們坐了大概一個半小時，大約十點幾結帳離開，看到大堂外面已經有很多客人在等待入座，酒店的marketing應記一功呀✌️。
繼續閱讀
想從繁忙中細味生活嘅美好時光💡去九龍香格里拉酒店聽住Live Music🎼嘆個意式鳥籠high tea就啱晒啦！「Il Dolce Far Niente意悅時光」下午茶意大利語指「甜蜜的無所事事」💕係一種輕鬆、放鬆嘅生活狀態和心境。呢個下午茶精選咗意大利茶葉品牌🫖La Via del Tè最新Garden Secret系列嘅3款特色茶品及多款甜美鹹點。4層高鳥籠🐦造型精緻優雅，打卡able～鹹甜美點，同樣帶來視覺及味覺享受🤩當中有幾款特別回味～🥯 #茶香味英式鬆餅鬆餅滲出茶香，口感綿軟，配上香滑檸檬醬倍感清新！🧆 #黑松露雞肉慕斯配茶香核桃粉吐霧仙氣效果超搶眼球，雞肉球有嚼勁同時茶香撲鼻。🥧 #伯爵茶拿破崙陣陣伯爵茶香 x 幼滑忌廉，加上層層酥皮，口感層次豐富。美點配靚茶♨️真係要試試La Via del Tè嘅甄選茶品，我就試咗🫖Lake of Waterlilies，味道香濃，配甜品一流～
繼續閱讀
同朋友叫咗兩碗薑汁撞奶，跟住指示等6分鐘，點知兩碗都冇凝固到。同職員了解，一位就話因為食材係天然，所以係唔會凝固，係會水水的，仲話薑汁撞奶係咁嘅。另一位職員就話因為佢冇睇到我哋開蓋時嘅狀態，所以冇辦法判斷，之後喺我哋碗撞奶度撈咗兩下，搵到小小嘅凝固物，就話係成功嘅薑汁撞奶啦。兩位職員嘗試顛覆我哋對薑汁撞奶嘅認知，話撞奶係唔會凝固嘅。如果各位食開嘅薑汁撞奶係唔會成形嘅話，咁呢度嘅薑汁撞奶就會好啱大家食啦。但係我食咗咁多年嘅認知，薑汁撞奶冇可能唔成形，所以我以後都唔會再幫襯。真係太嬲，所以無幫呢碗奶水影相。影咗個桃膠燉鮮奶，係暖暖哋咁。
繼續閱讀