阿木台灣麵 (豉油街) (已搬遷) 新店位置

蕃茄牛肉牛筋關廟麵🍜屬於甜甜地嘅蕃茄湯底類型，幾好飲，麵質厚身，牛肉比較冧😍😍麻辣牛肉牛筋麵🍜建議食得辣先叫，因為真係好辣😂麵質同樣出色，軟硬粗幼適中，仲幾有咬口🤤🤤芝士肉鬆蛋餅🫔呢個一定要試！真係好好味😋欣賞餅皮夠薄，一咬完滿滿嘅肉鬆同芝士，整體咸咸甜甜的確幾好食！而且呢個價錢咁大份量！炸甜不辣香脆可口，煙煙韌韌咁，好食！家傳鹽酥肉（豬）🐖咬落好似雞，但佢係一條條咁，好好食，係咁食唔停口！仲值得一提佢地嘅辣椒醬🌶好香唔太辣，用黎拌麵點小食一流，大讚！飲品方面叫左金鑽鳳梨四季春同金鑽鳳梨紅茶🍍同樣茶底唔錯，個人中意紅茶茶味更香濃！