The Cipollini Pizzeria

營業中

休息中

我好鍾意食pizza，特別係勁多芝士嗰隻。Airside呢間Pizza店就啱晒我心水，唔會令我失望，仲有勁多款式可以揀添。Pesto prawn pizza & Pepperoni $198Pizza款式多多， 50 50就啱晒我咁貪心為食嘅人，可以一次食兩款味。兩款都勁多芝士，勁拉絲，正。青醬蝦pizza有大大隻鮮蝦，鮮嫩爽口，配上青醬同埋一啲青瓜粒幾清爽。辣肉腸pizza就好香好惹味，經典嘅意大利pizza口味，冇得輸。8oz Wagyu Sirloin $278和牛西冷扒配蘑菇汁好食，我哋揀咗五成熟，肉質粉嫩粉嫩，柔軟柔軟，牛味都幾好，配菜都唔可以放過，薯蓉好好味，充滿牛油香，而且Creamy。另外炒蘑菇、西蘭花同埋蕃茄仔全部都煮得好香，我哋食晒。Beef Bolognese $148唔好睇小呢個肉醬意粉，簡簡單單好好味。醬汁食到新鮮蕃茄蓉，配上牛肉碎嘅肉香同埋少少香草調味，完全冇得輸。用上比較闊身嘅扁意粉，口感彈牙有咬口，每條意粉都掛上醬汁，我哋好快就清晒成碟。