影片
更多
2021-12-28
83 瀏覽
26號約咗一位好耐無見嘅朋友聚一聚，假期嚟到尖沙咀食飯，唔book定位就有排等啦，今次都係食我最愛嘅泰國菜，不過呢間泰國餐廳出奇地有feel喔 - 泰斗我地6點左右到餐廳，餐廳燈光比較昏暗，今次安排嘅座位係露天嘅位置，雖然落雨，不過有透明雨擋擋雨！餐廳主色用咗藍色，無論燈光，碟，menu都係藍色(我個人覺得成本menu都好靚，無論顏色，相都好吸引)！再加埋d泰國音樂(我首首都識🤣)，都幾有情調，幾有feel架👍🏻泰式生蝦 $128:食落好新鮮，肉質厚實好彈牙，個生蝦醬酸辣度都適中，如果唔食得太辣，記得唔好要生蝦上面粒辣椒啦小食拼盆 $148:呢道小食拼盆有泰式雞卷，魚餅，蝦餅，素春卷，春卷炸得幾脆口，魚餅蝦餅都好足料，大大嚿，仲要新鮮整好熱㷫㷫，份量啱晒兩個人蝦醬炒通菜 $88:呢道通菜個人覺得咸左dd，通菜睇落都新鮮，食落都爽口嘅泰式蝦肉炒金邊粉 $128:都幾多蝦肉，上枱時熱㷫㷫，金邊粉同配料都炒得幾香口，撈d青檸汁一齊食，真係唔差，不過一定要趁熱食清邁香酥酸辣魚 $238:最後出場嘅酸辣魚，一嚿嚿切好晒嘅魚肉，一夾就得，唔洗切唔洗分，好方便，魚皮睇落以為好脆，食落而係少少煙韌，魚
我地6點左右到餐廳，餐廳燈光比較昏暗，今次安排嘅座位係露天嘅位置，雖然落雨，不過有透明雨擋擋雨！
餐廳主色用咗藍色，無論燈光，碟，menu都係藍色(我個人覺得成本menu都好靚，無論顏色，相都好吸引)！
再加埋d泰國音樂(我首首都識🤣)，都幾有情調，幾有feel架👍🏻
泰式生蝦 $128:
食落好新鮮，肉質厚實好彈牙，個生蝦醬酸辣度都適中，如果唔食得太辣，記得唔好要生蝦上面粒辣椒啦
小食拼盆 $148:
呢道小食拼盆有泰式雞卷，魚餅，蝦餅，素春卷，春卷炸得幾脆口，魚餅蝦餅都好足料，大大嚿，仲要新鮮整好熱㷫㷫，份量啱晒兩個人
蝦醬炒通菜 $88:
呢道通菜個人覺得咸左dd，通菜睇落都新鮮，食落都爽口嘅
泰式蝦肉炒金邊粉 $128:
都幾多蝦肉，上枱時熱㷫㷫，金邊粉同配料都炒得幾香口，撈d青檸汁一齊食，真係唔差，不過一定要趁熱食
清邁香酥酸辣魚 $238:
最後出場嘅酸辣魚，一嚿嚿切好晒嘅魚肉，一夾就得，唔洗切唔洗分，好方便，魚皮睇落以為好脆，食落而係少少煙韌，魚肉無骨亦唔*嚡*，連埋本身加左嘅酸汁，真係正
張貼
