酒屋一杯喜

營業中

休息中

今日約左個就快移民去祖國嘅朋友😭佢話要食日本野，因為祖國又貴又唔好食就返佢返工地點，揀咗呢間居酒屋🏮～叫左番茄汁刺身沙律，菜好新鮮爽口，刺身種類好多，好鮮甜三文魚冰頭漬，晶瑩剔透，酸酸地好開胃🤤辣味青瓜八爪魚醋物，酸酸地辣辣地，送酒一流👍🏻刺身盛盒5點，是日有深海池魚、真鯛、帶子、蝦、魷魚，好鮮甜好肥美，唔錯👍🏻👍🏻另外叫咗啲串燒😋 雞中翼、塩燒白鱔、豚肉蘆筍卷、厚切牛舌，串燒外面香脆，裡面juicy，正👍🏻最後加多份鐵板明太子野菌同豚骨叉燒拉麵，明太子野菌好creamy，拉麵湯底濃郁，麵質彈牙，叉燒肥瘦適中，冇諗過居酒屋都有咁高質嘅拉麵😋朋友表示好滿足，可以安心上路了🥲